A Marselha ajudar lei sinistrats

Son quatre, uei, mai de còps pòdon èstre dos o tres mai. Sa tòca, alimentar la paurilha que la Comuna a plaçat dins un hòtel pas car dau baloard Sakakini. Una vintena amé d’enfants. Luenh de Pastré o dei Comèrcis a la mòda de la Jolieta, en silenci, lei familhas sensa argent, deslotjadas de son pichon apartament amenaçant de s’escrancar , son per un temps dins d’hòtels, discrets.

«  Lo premier jorn après la catastrofa, siáu anada ajudar la Crotz Roja a la Comuna dei 1-7encs arrondiments. M’an pas laissat intrar qu’èri pas sinistrada, alòr ai parlat am’elei, e me siáu avisada qu’avián que d’entrepans au brie o au ton… lo lendeman siáu tornada am’una cageta de fruchas ».

De fieu en cordura , Sandrine e sei colègas, trobats tot parier dins leis assembladas de vesins e de monde escandalisat per l’incuria de la Comuna, an començat de faire restaurant nomade. Una costuma a Marselha, quand leis instituciens se negan, es lei ciutadans ordinaris que se tenon drechs sus la polèna.
 
Totei quatre siguèron candits, lo matin dau 5 de novèmbre. « Podiam l’esperar autre part, pasmens èra a Marselha ! » Mòmò a recebut l’informacien sus son telefonet, « Sabiáu pas que faire, amé tot aqueu monde desprovesit de papiers, de malauts, de pichons … »

Coma Sandrine, que trabalha dins un restaurant, o Anne-Marie, puericultritz retirada que saup faire lo repais d’un nenet …  « Era tanben possible de trobar de monde formidable ! »

Lire la suite dans le mensuel de février d'Aquò d'Aquí

Notre mensuel de février présente trois pages de reportages, enquêtes, photos, en provençal comme en français, sur cette tragédie qui révèle un manque d'intérêt des élites pour les conditions de vie des Marseillais modestes, et souligne la capacité à se mobiliser des gens ordinaires. Votre abonnement nous est indispensable.