La mitat presonièra

La statistique nous dit froidement la part émergée d'un quotidien d'entravées. La moitié féminine de la population n'est pas libre de ses mouvements.

Fa tot bèu just una setmana dimècres 17 d’abriu una joineta siguèt violada dins un trin regionau entre Ais e Marselha, dins un vagon onte li aviá d’autrei viatjaires. Sensa ren dire mai avans que l’enquista n’en digue mai, fau quand muma rementar que la tiera comença de pas s’acabar jamai.
 






            partager partager

Picasso engèni sensa pedestau a Marselha


MARSEILLE. Le Mucem consacre une exposition à la relation entre le peintre majeur du XXè siècle et les pratiques populaires : jeux, cirque, tauromachie, et les traditions, telles le costume régional. Bel ensemble d’œuvres mais qui fait à peu près l’impasse sur la jeunesse catalane de Pablo.



Parodie d'un ex-voto à la vierge apparaissant à Utrillo accidenté date de la période catalane de Picasso ( Succession Picasso 2016 DR)
Parodie d'un ex-voto à la vierge apparaissant à Utrillo accidenté date de la période catalane de Picasso ( Succession Picasso 2016 DR)
Picasso a travèrs leis « arts e tradiciens populàris », vaquí la tòca de la mòstra que prepausa lo MUCEM de Marselha fin qu’au 29 d’avost.
 
De passejar dins aquela exposicien que vos fai marchar dins l’arredonit d’una mena de cacalausa apasimenta, pensada pèr l’escenografe Jacques Sbriglio, verai que lo visitor l’i veirà tarraietas e autrei sietas pintadas per lo mèstre Pablo (1881 Malaga – 1973 Mougins), e tota una tiera de telas, en generau consacradas a ce que lo MUCEM vei coma tradicien, per ce que regarda aquel artista màger, la Corrida.
 
Picadors, matadors e segur buous se veson a pauc près pertot dins aquela mòstra marselhesa. Es verai que lo buou es un imatge màger dins aquela òbra, en particulier perqué Picasso li vesiá un simbòle de poténcia. A costat d’aqueu molon d’arènas, se pòu veire un ex-vòtò « La vierge apareissuda a Miguel Utrillo, accidentat », realisada au moment de la segonda periòda barcelonenca de Picasso, en 1900. Serà quasi tot ce que serà possible de ne’n veire, d’aquela epòca.

Perqué ce qu’es absent de l’exposicien dau MUCEM es bèn lo Picasso catalan. Deis arts e tradiciens qu’interèssan tan lo Musèu delocalisat, aqueu moment clau de la formacien dau gost de Pablo, l’i es pas. 

Buous e colombas

Lee Miller en Arlésienne est peint le 20/09/1937 (Succession Picasso 2016 DR)
Lee Miller en Arlésienne est peint le 20/09/1937 (Succession Picasso 2016 DR)
Picasso s’es format a Barcelona, onte s’èra ligat d’amistat prefonda amé lo pintre Carles Casagemas, aqueu que vendrà puei en França am’eu, avans que de se suicidar. Mai d’aqueleis annadas barcelonencas, rèn se pòu vèire a la mòstra marselhesa. Segur que, aquesta, cèrca de durbir una briga e pas mai lo ventalh de l’òbra màger picturala dau sègle XX europenc.
 
D’un costat la tauromachia, d’un autre la colombofilia, d’un tresen costat l’univèrs dau circ, e enfin lei dònas en vèstit regionau. Perqué aquelei chausidas ? Va sabèm pas. En plaça de se torturar l’esperit per se va demandar, vau mielhs profichar d’aqueleis òbras, non que son siágon rarament vistas, mai perqué l’ensems fai un polit ventalh de l’òbra de Picasso dins son agi madur .
 
En particulier, lo retrach de la bèla Lee Miller en Arlatenca, egeria de mai que d’un artista en França ais annadas 1920-30 (bòn ! es Picasso, alòr bèn avisat aqueu que reconoissierà la dòna), o de Paula de Lazerne en vèstit Catalan. Tot parier per lei sietas pintas de scènas tauromachicas que son pas tant sovènt acampadas .
 
Lo mai sedusent serà encara l’ensems de joguets que fabrica lo pintre, per seis enfants alòr qu’es deja vièlh. Eu, niston, son paire, conscient de son talent, l’aviá pas tan laissat jugar, que li demandava de pintar tant e mai. S’es bèn ragantat .
 


Mardi 3 Mai 2016
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Voici Aquò d'Aquí de mai
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.