« Demain », un film per vuei

Es necite de veire « Demain » quatecant que lo film marcha un pauc d’escondons, mai resta a l’aficha despuei tres mes. Es un filme remirable que retraça, dins una mena de camin, leis realisaciens de vuei qu’ alestisson lo monde de deman.

A la sortida de la COP 21 e tambèn deis eleiciens, fa de bèn de veire qu’un orizont clar posquèsse eisistar.

Vaqui l’istòri : a la seguida de la publicacien d’un estudi que dis la possibla disparicien d’una partida de l’umanitat d’aquí 2100, Cyril Dion, rèire director de Colibris, e Mélanie Laurent parton ‘m’una chorma de quatre personnas enquistar dins de país per comprendre çò que va congreiar est auvari e subretot come faire per lo desviar. Dau long de son viatge, rescontrèron dei menas d’esploradors que tòrnon descubrir l’agricultura, l’energia, l’economia, la democracia et l’educacien.

En abotant aquestas initiativas positivas et realistas que marchon a l’ora d’ara, se ves esmarrar lo monde possible de deman !

Un fuble de gents son estats rescontrats dins lo viatge : Vandana Shiva, Pierre Rabhi, Charles et Perrine Hervé-Gruyer (Ferme du Bec Hellouin), Olivier de Schutter, Jeremy Rifkin, Thierry Salomon (Négawatt), Rob Hopkins, Emmanuel Druon (Pocheco), Bernard Lietaer, lo moviment d’agricultura urbana de Détroit (USA), lo moviment deis Incredibles comestibles à Todmorden (Angleterre), leis estajants et elegits de Copenhague, Hervé Dubois, pòrta-paraula de la Banca WIR à Bâle (Sueissa).

Fin finale, se disèm qu’un autre monde es possible, que la sacrosanta Economia pau se calcular d’un autre las.

Bessai que bastèsse de bèn voguer s’i mandar… fòra dei politics, fòra dei resonaires… Bessai que bastèsse de començar a dire l’istòri que nos fa pantaiar : A la commençança era lo verbe…


Nautrei, occitans, auriam de que chifrar sus aquò : qu a començat de contar nòstra istòri de deman, l’istòri que volèm viure en cò nòstre ?