Aquò d'Aqui


            partager partager

Bernat Ely umaniste occitan e passaire de sabers


AVIGNON-CUCURON. Le médecin avait 91 ans, et une vie bien remplie au service de la santé des agriculteurs, et d'une conception de la diététique basée sur les savoirs des anciens. Il avait un temps présidé l'IEO 84 et eu un rôle dans l'animation théâtrale en occitan.



Bernat Ely aviá 91 ans (photo XDR)
Bernat Ely aviá 91 ans (photo XDR)
Umanista de tria , e segur sempre umble, lo metge Bernat Ely es mòrt en Avinhon dins lo sera dau 27 de decembre. Saberut dins lo domèni dau plantum utíl e afogat de dietetica, aqueu metge trabalhèt pèr l’essenciau a la Mutualitat Sociala Agricòla, ce que l’empachèt pas de mandar mai que d’un projèct sanitari, coma pèr exemple un de dietetica adaptada pèr lei fremas Africanas, dins una ciutat de Marselha.
 
Escriguèt perèu lei prefàcias de dos libres de receptas de cosina tradicionala dau quotidian : L’alimentation provençale et la santé (edit. Barthélemy) pèr lo còmpte de la MSA, e Alimentation méditerranéenne et santé (edit. Barthélemy). E portèt pèira a d’autres obratges coma lo libre de recèptas de la Valada de Tolorenc, o encara d’un librilhon sus « l’utilisacion racionala dei espècias vegetaleis indigènas » (Louis Borel, G. Simonet). Enfin li devèm dos obratges : La cuisine des Provençaux, Saveur, santé, art de vivre (Edisud), e dins un autre domèni Lei còntes dau Pardés (L’Espaci Occitan) : ensems de còntes que fuguèron publicats per Aquò d’Aquí en granda partida.

Un pedagògue de terrenc

Am’aquò organisava dins aqueu domèni fòrça sortidas botanicas. Bernat Ely èra un passaire de sabers, un pedagògue de terrenc. E sei sabers popularis, molinats pèr son gaubi scientific, siguèron d’una bèla ajuda pèr toteis aquelei que vòuguèron se sonhar pèr lo plantum.
 
Lo metge rescontrèt au començament deis annadas 1970 Luciana Porte-Marrou, dins d’estagis d’occitan, onte preniá consciença de son occitanitat. Avinhonenc, se metiá alòr a organisar amé Andrieu Benedetto mai que d’una iniciativa, coma lei Rescòntres dei Lengas que se debanèron tres ans a-de-rèng au Teatre dei Carmes, lo temple culturau populari d’Andrieu Benedetto. Après de discutidas e de pèças jugadas, lo monde s’acampava sus la plaça pèr una granda taulejada amé cants e musicas en lenga nòstra.
 
Son occitanitat l’inscriguèt dins una accion dau passatge de generacions, bòrd qu’èra tanben afogat d’intergeneracionalitat. Trabalhava amé la MSA a la coneissença dei sabers de santat dei païsans, e d’un mòdule de formacion : « apprendre des anciens », a Mondragon e Malaucèna.

Cors d'occitan e interés pèr lo teatre d'òc

Proposèt d'annadas de tèmps de cors, ais annadas 1970, de cors de lenga d’òc amé la Chambra de Comèrci de la Vauclusa, e serà mume dins aqueleis annadas un moment president de l’IEO 84 e co-organisaire de l’Escòla Occitana d’Estiu en Provença. Amé l’ajuda de Mirelha Josselme, donava tanben de cors, totjorn a Avinhon, au Centre Culturau, carriera de Mons, puei dins lo CES J. Vernet.
 
Toteis aquelei que podèm questionar sus sa vida nos an dich coma son ostau èra dubèrt au brave monde, e coma aviá de paciéncia dins lei discutidas.
 
Li es arribat sovènt de prepausar d’articles a Aquò d’Aquí, sus lei sujèts lei pus divèrs.
Seis obsèquias se faràn en Avinhon, au crematorium, 1483 camin dau Lavarin, divèndres 4 de janvier a 15 oras (tel. 04 32 44 80 76), puei dissabte a 14 oras et mieg lo depaus dei cèndres se farà au cementèri de Cucuron, onte la familha a son tombèu. 
 
A sa frema Janina, a tota sa familha, Aquò d’Aquí presenta sei còmplanchas.

Mercredi 2 Janvier 2019
Michel Neumuller





1.Posté par DIGGI le 02/01/2019 23:03
Amb un TRISTUM gròs, disem adieu l'òme !
Dos libres de Bernart Ely de trobar aqui: https://www.espaci-occitan.com/botiga/fr/166_bernard-ely

Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

On vous parle des poétesses d'oc ?
Dison que...

L'autre pandémie...à perpétuité ?

L'air pollué tue plus surement et plus massivement que la covid 19. Or, cette dernière, en forçant à la cessation d'activités, a révélé les responsables des pollutions les plus prégnantes sinon les plus connues.

L'autre pandémie...à perpétuité ?

Avec près de trente mille morts, la crise de la covid 19, dont on n’ose encore parler au passé, a marqué le premier trimestre de 2020. Elle nous a paru à juste titre terrible. Ces morts sont dues en fait aux affections respirtatoires qui souvent suivaient l’infection virale. Or, il nous faut remettre, toute traumatisante qu’elle soit, cette maladie planétaire dans un contexte plus large.

 

Entre trois et quatr millions de personnes décèdent chaque année d’affections respiratoires dans le monde. La bronchopneumopathie chronique obstructive, autrement dit la bronchite chronique, est un fléau.

 

Et pour partie ce que nous respirons au quotidien aggrave tous les symptômes. Encore ne sait-on pas tout, loin de là, sur  l'air qui est sensé nous faire vivre.



Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.