Robèrt Marti es mòrt

Robèrt Marti (1944-2021), ensenhaire siguèt segur president de l’Institut d’Estudis Occitans entre 1986 e 97, es a dire au moment clau que se duerbe lo Capes d’occitan, puei qu’arriban tota una generacion de profs d’occitan dins lei collègis e licèus publics.

Mai es après que son biais d’aparar nòstra lenga s’espandis lo mai, amé son biais de faire riure de nos memes. Sa tòca, tota politica, siguèt de far riure leis autres. Amé son personatge Padena, se trufa d’eu meme mai tant se fa nèci, tant lo public podiá vèire que l’ingenu s’acarava an’un monde caluc.

Son biais de militar, berret sus la tèsta, èra pas lo solet, bòrd èra tanben escrivan, d’un biais particular, bòrd qu’aviá escrich un roman pòrnò, Hic Nox Nomen Mutat (1989 ed. IEO), mai podem pas limitar seis òbras an aquel cap d’òbras, que fau pereu citar L’ombra doça de la nuech. Era un escrivan de Terraire, que seis òbras parlan sovent de la vau de Viaur onte crebava l’uòu. Bernard Pivot l’aviá convidat an’una de seis emissions d’Apostrophes.

Afogat de l’òbra de Joan Bodon, siguèt president de l’associacion que pòrta son nom, per valorisar l’òbra dau grand autor.