La Setmana naufragée ?

L'unique média papier entièrement en occitan dépose son bilan. Les soutiens publics "naturels" de La Setmana lui ont fait défaut. Le drame interroge tout le régionalisme. Mais trouvera-t-il les réponses ?

Acteur majeur et porte-voix de la préoccupation occitaniste depuis 1994, date de sa création sous forme coopérative, la société Vistedit et sa figure de proue, l’hebdomadaire La Setmana, tirent le rideau.






            partager partager

A La Seina lo Ceucle Occitan aurà de pan sus la canissa a Calendas


Après un mois d’octobre très occupé, le Cercle Occitan de La Seyne prépare activement ses propositions artistiques et ses animations en occitan pour les fêtes calendales. Peu d’associations remuent autant autour de la baie de Toulon. Catherine Nicodèmi, une des bailessas du Ceucle, nous brosse ce programme très fourni, qui ne s’arrêtera pas à Noël.



Pas de trêve pour l'action culture du Ceucle Occitan de La Seina durant les Fêtes Calendales (photo MN)
Pas de trêve pour l'action culture du Ceucle Occitan de La Seina durant les Fêtes Calendales (photo MN)
Un vertadier Joan-l’an-près , aqueu de Ceucle Occitan de La Seina ! Au començament d’octòbre t’an organisat d’afeccien un estagi de danças tradicionalas onte trenta començaires son venguts.

Una setmana puei vaquí que fan un autre estagi, de cant esto còp, « de dos jorns onte avem vist segur mai de monde coneissut que per la dança, e aquò siguèt fòrça conviviau maugrat qu’eriam vint, quand muma ! » que nos ditz Catarina Nicodèmi, una dei bailas de l’associacien fare dau país tolonenc.
 
Miquèu Tournan, mèstre de cant, de danças, e afogat dau rescòntre dei culturas d’aquela partida dau Var maritim es mai que d’un còp au centre d’aqueleis activitats.

Es encara eu que veirem lo 3 de decembre, au Fòrt Napoleon, per inaugurar tot un ensems d’activitats dau Ceucle, qu’aquelei occitanistas prepausaràn ai Seinencs : una mòstra sus lei noms de luecs que vènon de l’occitan a La Seina (en particulier alestida per Jan-Jaque Murat e Catarina Nicodèmi amé d’autres), e una autra d’arts plastics.

Rendètz-vos au Fòrt Napoleon pèr fòrça activitats d’entendre o de vèire

L’i podrem remirar d’òbras de Patricia Jouve, Magali Bizot-Dargent, de Miquèu Tournan e de Silva Aligro… totei cantaires d’alhors.
 
Rendètz-vos adonc lo 3 / 12 per onge oras amondaut de la rada de La Seina onte, l’après-dinnada, lo Ceucle prepausarà tanben un rescòntre entre autors literàris d’òc e lo public.

E l’i veirem un còp de mai Magali Bizot. Amé sei Minusculitats publicadas l’an passat, o sei cronicas d’umor faussament leugieras o francament grèvas, es segur un deis autors lei mai chanuts de la literatura d’ara.

Gerard Tautil eu, amé son Psicòsi au Palais, cava la vida politica e seis efècts sus nòstre monde dins un gènre ben pauc facturat per leis escrivans d’òc, la cronica politica. Enfin Reinat Toscano e sei romans o pèças au fantàstic dolç, e Jan-Claudi Babois.
 
Mai quau cu podriá oblidar que Novè es una fèsta per lei nistons ? « Segur pas nosautres ! » perseguís Catarina Nicodèmi. Amé sa complícia Patricia Jouve, animarà de sesilhas de còntes, per sensibilisar lei pichons a l’occitan, totjorn au Fòrt Napoleon.

Ben segur lei dròlles dei centres aerats l’i vendràn lei dimècres 7 e 14 de decembre, « mai aquò fau ben va dire : totei l’i son convidats, esperam de l’i vèire lei pichons que sa familha vèn aquí ai fèstas calendalas » qu’insista Catarina Nicodèmi. Rendètz-vos a 14h30 aquelei dimècres.

Puei a la vila per de charradòcadissas

Segur qu’aqueu començament s’acabarà amé de cançons… aqueu 3 decembre, amé lo grop Jòia.

Puei aurètz tres setmanas per trevar aqueu Fòrt Napoleon, onte d’autreis associaciens, tala Lei Cigaloun Seinen, prepausaràn d’activitats, belèm, eca.
 
Mai faudrà tanben davalar fin qu’a la ciutat ou vila, encara, onte la mediatèca Andrée Chéddid aculhirà pereu Patricia Jouve e Catarina Nicodèmi per una animacien « una ora de còntes » en occitan per leis enfants. « Siam en afaires per vèire se serà pas possible de l’i tornar… Mai après es la capacitat deis individús pèr se mobilizar que deu seguir… Aquò’s pas tant facil ».
 
Mai de tota mena, podètz encara marcar sus lo calendier  la data dau 9 de decembre : lo Ceucle vos convida a l’Ostau dau Patrimòni per una serada « Charradòcadissas ».

S’agís de passar un moment a trenta o quaranta per entendre l’un contar una anecdòta, l’autra descavar un cant de sa grand, una tresena e una quatrena jogar une saineta, e un autre encara legir un poèma… de polidei vespradas onte la lenga nòstra arriba totjorn a se faire entendre, muma d’aquelei que cresián pas de la comprendre.

Puei pescaràn…

Enfin, a tèrme mai lòng, lo Ceucle alestís una mòstra a prepaus de la pesca, una activitat fòrça populària aquí, onte mume lei nistons an sei tecnicas per anar destoscar girèlas  e autrei rocaus .
 
Deja, en 2013, lo Ceucle aviá prepausat una mòstra sus aqueu tèma a l’Ostau dau Patrimòni. De bèla qualitat, trevada per de monde dei mestiers de la mar, prepausant mume lo testimòni de pescaires professionaus que parlavon la lenga… Ailàs, après dos jorns s’èra acabada. « Era un gròs trabalh, menat entre autrei per Patric Bobbio », sotalinha Catarina Nicodèmi. « S’agís ara de la de la mostrar mai , ‘mé lo mume esperit drud , mai segur aumentada… Esperam de la prepausar per novèmbre 2017. »
 
Tot aquò farà de pan sus la canissa , segur.
Au Fort Napoléon le 3 décembre, les activités visibles du Ceucle trouveront un point d'orgue. Catherine Nicodemi est la troisième à partir de la droite (photo XDR)
Au Fort Napoléon le 3 décembre, les activités visibles du Ceucle trouveront un point d'orgue. Catherine Nicodemi est la troisième à partir de la droite (photo XDR)

Dimanche 30 Octobre 2016
Michel Neumuller





1.Posté par P. Recotillet le 31/10/2016 18:10
Dau temps que restavo dins aqueste relarg, entendiu lo monde dire "la Sanha" e jamai la Seina.
Me sembla que la Seina es un galicisme recent.

2.Posté par . Montserrat le 28/11/2016 19:37 (depuis mobile)
Arreveure


Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche



Le Québec et ses enjeux linguistiques et sociaux
Dison que...

En finala Beart espòutisse Charpin

Andrieu avait invité des gens de culture pour le désastreux match OM-Atretico...

En finala Beart espòutisse Charpin
Avieu convidat de colègas cinefiles e amoros de la cançon francesa pèr assistar a la finala OM-Atletico davant mon escran plat. Es rede 3 a 0, dona pas lo rebat dau debanament dau rescòntre.


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.