partager
Priorités affichées à l'économie et l'enteprise, avec un budget Culture toutefois en augmentation. (photo MN)
Am’un budget de 2,2 miliards d’€uròs en investiment e en foncionament, la Region Provença deuriá pasmens realisar quauquei 44M€ d’economias de foncionament, bòrd que remplaçarà pas 150 de sei foncionaris que se’n van a la retirada en 2016.
Lo novèu president Crestian Estrosi a presentat dimècres passat coma una capitada aquelei despensas que se faràn pas. Vòu demenir l’endetament, qu’es ara au nivèu de onge annadas de remborsament.
Mai que tot a anonciat una auça dau budget Cultura de 53M€, que fai 1,1% d’aqueu budget en investiment, e 1% en foncionament.
Aquela auça deuriá ajudar lo Festivau d’Avinhon a retrobar lei tres jorns que se n’èra escorchit per reson d’argènt mancant. Lo Festivau de Ramatuèla, jusqu’ara fòra dau dispositiu d’ajudas regionau, serà tanben subvencionat. Enfin 5 M€ seràn atribuits a la conservacion dau patrimòni materiau de Provença.
Lo novèu president Crestian Estrosi a presentat dimècres passat coma una capitada aquelei despensas que se faràn pas. Vòu demenir l’endetament, qu’es ara au nivèu de onge annadas de remborsament.
Mai que tot a anonciat una auça dau budget Cultura de 53M€, que fai 1,1% d’aqueu budget en investiment, e 1% en foncionament.
Aquela auça deuriá ajudar lo Festivau d’Avinhon a retrobar lei tres jorns que se n’èra escorchit per reson d’argènt mancant. Lo Festivau de Ramatuèla, jusqu’ara fòra dau dispositiu d’ajudas regionau, serà tanben subvencionat. Enfin 5 M€ seràn atribuits a la conservacion dau patrimòni materiau de Provença.
Trenta millions de toristas, que venon en particulier ai festivaus
Lei critèris que fau comprendre in fine ‘mé la politica dei liberaus en Provença, son lo prestigi e lo patrimòni.
« Trenta milions de toristas vènon au nòstre chasque an » qu’a poscut dire Crestian Estrosi. Lo budget Cultura deuriá venir espatlar aqueu dau Torisme, que serà de 9,6 M€ « qu’adutz cinc miliards d’€uròs » d’un biais o d’un autre dins l’economia regionala.
Aqueu budget 2016 que serà votat divèndres 8 d’abriu, misa tanben sus una auça d’aqueu de l’aprendissatge de 5,6%, e d’un chanjament dins lo dispositiu d’ajudas ai Comunas. Desenant , lo Fons de Sosten dei Comunas serà dubèrt fin qu’a 200 000 € (en plaça de 15 000 aperavans) am’una prima ai comunas ruralas de 12 000€. L’ajuda podrà representar jusqu’à 70% dau projèct que la comuna vòu menar.
Per ce qu’es dau subvencionament ais associacions, Crestian Estrosi ditz que « totei aquelei qu’èron ajudadas va seràn, dau moment que signaràn una charta qu’impausa lei valors de la Republica còntra lo comunautarisme ».
« Trenta milions de toristas vènon au nòstre chasque an » qu’a poscut dire Crestian Estrosi. Lo budget Cultura deuriá venir espatlar aqueu dau Torisme, que serà de 9,6 M€ « qu’adutz cinc miliards d’€uròs » d’un biais o d’un autre dins l’economia regionala.
Aqueu budget 2016 que serà votat divèndres 8 d’abriu, misa tanben sus una auça d’aqueu de l’aprendissatge de 5,6%, e d’un chanjament dins lo dispositiu d’ajudas ai Comunas. Desenant , lo Fons de Sosten dei Comunas serà dubèrt fin qu’a 200 000 € (en plaça de 15 000 aperavans) am’una prima ai comunas ruralas de 12 000€. L’ajuda podrà representar jusqu’à 70% dau projèct que la comuna vòu menar.
Per ce qu’es dau subvencionament ais associacions, Crestian Estrosi ditz que « totei aquelei qu’èron ajudadas va seràn, dau moment que signaràn una charta qu’impausa lei valors de la Republica còntra lo comunautarisme ».
Baiona recruta son responsible de politica linguistica
