Un Parlament europenc per de que faire ?

Se per lo premier còp lei electors de l’Euròpa de sièis país siguèron convidats a votar per son parlament en 1979, en 2014 serà la populacion d’electors de 28 Estats que votaràn per un Parlament qu’aurà una responsabilitat novèla. Elegirà lo president de l’Euròpa. Au còntre de l’actuau, Manuel Barroso, lo venènt aurà una legitimitat democratica especificament europenca.
 
Leis eleccions se jogaràn lei 24 et 25 de mai, segon lei país. En França, 74 deputats son d’elegir. Representaràn pas la França a l’Euròparlament, mai leis electors de uech regions que son de circonscripcions de votason : L’Illa de França, l’Est (Borgònha, Alsaça…) Sud-Est (amé Corsega, Provença e Ròse Aups), Massif Central & Centre (qu’arriba en veritat jusqu’au sud de Paris), Sud-Ouest (Lengadòc, Aquitania), Ouest (amé la Bretanha et Vendèia), Nord-Ouest (Normandia, Calaisi…) e l’Otra Mar amé lei territòris e autreis illas francèsas.
 
Lo Parlament euròpenc siejarà amé seis elegits novèus entre 2014 e 2019. Mai, es una particularitat, devrà partejar amé lo Consèu de l’Union Europenca, lo poder legislatiu de l’Union. Es un anar-venir que deu bailèjar lei rapòrts entre l’un, elegit au sufràgi direct, e l’autre, nomat per leis Estats, elei tanben en principi emanacion de chasca eleccion democratica.
 

Es una particularitat … particulièra. En veritat, fin qu’ara lo Consèu dei Ministres de l’UE a mai de poder decisionau que lo Parlament, pasmens la premièra deis Institucions de l’Euròpa, qu’es nomada dins totei lei tractats. Aqueu a pas manco l’iniciativa legislativa.
 
Lo Parlament, onte se retròban 766 deputats, representa adonc 380 millions d’electors per cinq ans. S’a la possibilitat de se sasir solet per un rapòrt per exemple, es bèn la Comission Europenca, representanta deis Estats, que bailèja l’iniciativa legislativa.
 
Le consequencias son màgers, bòrd que lo Parlament pòu pas decidar de la politica de seguretat comuna europenca. Au revenge, lo Parlament pòu contraròtlar lei despensas dins lo budgèt europenc, mais pas de sei receptas.
 
Pasmens, lo Parlament, se pòu dire mai que d’un còp, a l’Union que l’Euròpa, es l’espàci dei drets umans, e en practica s’es pas manifestat tant qu’aquò  còntre lo Consèu de l’Union Europenca. 

Mai, fau sotalinhar per exemple que la casuda dau budgèt de l’Euròpa es lo Parlament que l’a votat en 2013. Aqueu qu’es d’aperaquí 1000 milliards d’€uròs per 2014-20, a maigrit de disenas de M€ per la volontat dau Parlament. E la casuda s’es decidada au moment dei debats au Parlament.

Un majoritat de deputats cresián ansin baissar la cotisacion de son Estat.
 
Segur que se podrà ne’n conclure que, d’un latz, lo Parlament serve pas de ren, e d’un autre latz, qu’es jamai tant liberau que quand leis electors votan a drecha, e jamai tant sociau que quand seis electors votan a gaucha.