partager
« Se quauqu’un crèi qu’es possible de se traire d’un país de l’Union Europenca, sensa qu’aquò provòque de grèvei consequéncias politicas e economicas, ni que ren se debane, s’engana lordament ».
En visita a Madrid au començament d’avost, Manuel Valls aviá declarat aquò au destapat d’un rescòntre amé lo president dau govèrn espanhòu, Mariano Rajoy.
Lo premier ministre francés, d’origina catalana d’Espanha, n’aviá pasmens jutjat que l’UE es « un projècte istoric que pòu rompre la creissença dau populisme e dau nacionalisme ». S’agisse segur de saupre de quau nacionalisme parla l’Euròpa : aqueu deis Estats, o dei nacionalitats.
Un referendom, considerat par leis autoritats espanhòlas coma illegau, deu permetre ai Catalans de s’exprimir sus l’autodeterminacion lo dimenge 9 de novembre venent.
Aqueu portariá sus doás questions : « Es que volètz que Catalonha vengue un Estat ? », puei, se la responsa es majoritariament afirmativa, la segonda seriá : « es que volètz qu’aquel Estat siegue independent ? ».
Prouvenço Nacioun vòu presentar de candidats
