Lo deputat Pau Molac demanda una revision constitucionala

Dins son avis sus la Lèi Molac, lo Conseu Constitucionau a argumentat que podiá èstre en contradiccion amé l’article 2 de la Constitucion. Ajustat en 1992 per empachar l’anglès d’escondre lo francès, a servit en realitat a empachar tot drech per lei lengas regionalas.

Adonc logicament lo portaire de la Lèi ara vuejada de l’essenciau, Paul Molac, a logicament convidat lo president de la Republica a durbir un sesilha dau Congrès (Assemblada Nacionala e Senat) per cambiar la redaccion d’aqueu famós article que ditz simplament “Lo francès es la lenga de la Republica”.

Era en responsa a Emmanuel Macron, reagissent a l’avis dau Conseu Constitucionau, que disiá “nòstrei lengas regionalas son un tresòr”. A vèire alòr se la Constitucion deu restancar l’expression dau “tresòr”