partager
Vespa orientalis Linnaus o cabrian orientau, es l’ultima espècia invasiva trobada, fa quauquei setmanas per tres cercaires d’un labò dedicat a la biodiversitat, Ecotonia. La revista Faunitaxys ven de publicar son estudi.
Lo cabrian es l’una entre 22 sòrtas de cabrians, e siguèt vist sus un site industriau marselhés, onte d’alhors an tanben trobat l’asiatic, que provoca tant de chaples
d’abelhas domesticas. Se pòu destriar
qu’es ros amé lo cuou que jauneja, e que sembla sensa peus.
« Es capable d’espandir d’un biais rapid e quora s’es multiplicat, es inutil de luchar » sotalinha Gérard Filipi, lo president d’Ecotonia. E coma sus lo site industriau marselhés, lei dos sexes siguèron identificats, segurament ja l’i a de nis.
Pòrta d’intrada d’espècias invasivas, Marselha es un pòrt e es amé lo comerci internacionau qu’arriban lei nòvas espècias. Ja de formigas brunas minusculas l’i èran arribadas d’Argentina per batèu dins leis annadas seissantas, ara plantan cavilha
dins un molon d’immòbles d’entre Marselha e s’Ais.
Lo cabrian orientau ja trobat en Italia, a Genova en 2018, siguèt puei identificat a Valencia, onte ara arriba tanben una mosca negra africana responsabla de ponheduras
dolorosas, que coneissián pas fa dètz ans.
Quora l'Estat e un industriau escondon un auvari industriau