Lei Bolivians son lei mai emotius deis abitants de la planeta

« Es qu’avètz ressentits aièr encanhament , ànsia , gaug ?... » Vaquí la questien qu’a pausat ais abitants de 148 país l’institut de sondatges Gallup.
 
E se demièg lei darriers esmoguts de la tièra trobam aquélei de l’anciana URSS, lei mai sensibles son aquélei de l’America Latina, e lei Bolivians beus premiers.
 
59% dei Bolivians questionats an respondut qu’avián agut, lo jorn d’avans, una dei dètz emociens listadas per Gallup. E après élei, èron lei Salvadorians, Equatorians, puèi leis abitants dei Filipinas, dau Nicaragua, dau Guatemala…
 
Es de sotalinhar que lei Cambodgians, ben plaçats sus aquela tièra deis esmoguts, son pas estats desensibilisats per la catastrofa de l’autò-genocidi  dei Kmers roges, entre 1975 e1979.
 
Lei darriers de la tièra èron leis abitants dau Bangladesh, que pas mai de 37% diguèron qu’avián ressentit un d’aquélei sentiments. Just un pauc dessús, amé 38%, l’i a aquélei de l’Azerbaïjan, de la Georgia, de la Bielorussia, e lei Rus, Lituanians o Ucraïnians son a 40%.
 
Lei Francés, amé 51% de responsas afirmativas, se clàssan au 52en reng. Seriá estat interessant de saupre mai s’aquélei responsas èron parieras a Roubaix e a Marselha.