partager
Dins l'esport, i'a la règla e l'esperit de la règla.
Lei pacolins dau rèire país avian la volontat. Era lo mai important.
Aquèu dimenge d'aqui, badave lo derby francilian entre l'equipa de rugby de l'Estadi frances e lei Racingmen.
Au bot de 20 minutas, per un placatge en l'èr, Sergio Parisse, lo capitani de l'Estàdi, s'aganta un carton rotge.
A regard de la règla, i'a ren a dire. Dins l'esperit...
Un pauc plus tard, es Julien Dupuy, lo miej qu’a de mesclanha qu'aganta lo carton jaune.
L'Estàdi es a 13 contra 15 !
Dins la setmana, lo mundillo dau rubgy a bronzit dei pichòtei frasas assassinas de l'intox. E pièi, fau ben lo dire, lo Racing dau miliardàri Lorenzetti, aquò's lo nec plus ultra de la borgesia parisenca, un club gaire populari onte se recampa la bòna societat.
E quau menaça aquela ribambela d'internacionaus pagats au pretz fòrt : una banda jurada venguda dau trefons dau Jura, un païs de non ren que viu a l'entorn dei fabricas de lunetas e que, lei jorns de matchs, se recampa sus lei corsivas de l'estadi Charles Mathon quand tot lo païs es vueje.
Oyonnax, vaquí lo club onte lei jogaires suson per lei colors rotge-negre de sa malheta e lo plesir dau pichon pòble.
Ambe son gigant de baile au grand còr que plora a cade victòria. Parle de l'occitan Cristòu Urios.
Mai bota ! Oyo es qualificat per lei fasas finalas e lo Racing eliminat.
Per lei pelòts que tenon l'empenta dau rugbi professionau, aquò marcha pas. Alòr i'a la règla...e l'aplicacionmai o mens de la règla.
Aquò me ramenta una autra istòria que pertòca lo monde dau balon redon.
Quau se ramenta come la federacion francesa de balon dau senhor Thierriez a assassinat lo pichon club ariégès de Luzenac ?
Es sus lo prat qu'avian ganhat, la segonda division.
Son estadi era tròp pichòt, Tolosa prestava lo sièu.
Mai non, l'auta finança a pas besonh de treblas comunas e sensa autra procès, Luzenac fuguèt escafat que jòga ara en seria regionala. Res a pas quincat.
L'espòrt es de business e aquò sente mau !
Eisista pamens una mena de morala : aquelei qu'escupinhan en l'èr, aquò ié retomba tostemps sus lo morre !
Maugart l'arbitre Garcès, bon servidor dei poders de la finança, es a la nhaca que l'Estàdi a daverat lei jòias e emportat lo match !
De que nos laissar un pauc d'espèr a n'autrei, paurei badaires, que l'espòrt es devengut un pauc l'opium dau pòble !
Au bot de 20 minutas, per un placatge en l'èr, Sergio Parisse, lo capitani de l'Estàdi, s'aganta un carton rotge.
A regard de la règla, i'a ren a dire. Dins l'esperit...
Un pauc plus tard, es Julien Dupuy, lo miej qu’a de mesclanha qu'aganta lo carton jaune.
L'Estàdi es a 13 contra 15 !
Dins la setmana, lo mundillo dau rubgy a bronzit dei pichòtei frasas assassinas de l'intox. E pièi, fau ben lo dire, lo Racing dau miliardàri Lorenzetti, aquò's lo nec plus ultra de la borgesia parisenca, un club gaire populari onte se recampa la bòna societat.
E quau menaça aquela ribambela d'internacionaus pagats au pretz fòrt : una banda jurada venguda dau trefons dau Jura, un païs de non ren que viu a l'entorn dei fabricas de lunetas e que, lei jorns de matchs, se recampa sus lei corsivas de l'estadi Charles Mathon quand tot lo païs es vueje.
Oyonnax, vaquí lo club onte lei jogaires suson per lei colors rotge-negre de sa malheta e lo plesir dau pichon pòble.
Ambe son gigant de baile au grand còr que plora a cade victòria. Parle de l'occitan Cristòu Urios.
Mai bota ! Oyo es qualificat per lei fasas finalas e lo Racing eliminat.
Per lei pelòts que tenon l'empenta dau rugbi professionau, aquò marcha pas. Alòr i'a la règla...e l'aplicacionmai o mens de la règla.
Aquò me ramenta una autra istòria que pertòca lo monde dau balon redon.
Quau se ramenta come la federacion francesa de balon dau senhor Thierriez a assassinat lo pichon club ariégès de Luzenac ?
Es sus lo prat qu'avian ganhat, la segonda division.
Son estadi era tròp pichòt, Tolosa prestava lo sièu.
Mai non, l'auta finança a pas besonh de treblas comunas e sensa autra procès, Luzenac fuguèt escafat que jòga ara en seria regionala. Res a pas quincat.
L'espòrt es de business e aquò sente mau !
Eisista pamens una mena de morala : aquelei qu'escupinhan en l'èr, aquò ié retomba tostemps sus lo morre !
Maugart l'arbitre Garcès, bon servidor dei poders de la finança, es a la nhaca que l'Estàdi a daverat lei jòias e emportat lo match !
De que nos laissar un pauc d'espèr a n'autrei, paurei badaires, que l'espòrt es devengut un pauc l'opium dau pòble !
Nadia Delisle qui joue jazz comme classique