partager
Aux Rescòntres Occitans de Provence l'été dernier,JG est tout à droite (photo XDR)
Jòrgi Camani laissa lo remembre d’un òme brave, que caminava plan e segur dins l’occitanisme, onte èra vengut tardièrament, per lo biais deis amistats de vesinatge. « Es quauqua ren que portava en eu, e qu’un jorn s’es exprimit » nos dis Renat Sette, lo cantaire, que siguèt un temps son vesin a Mana, pròche de Forcauquier.
Jòrgi s’es enanat dimècres, a 66 ans. Naissut lo 4 de janvier de 1952 a Marselha, lo Jòrgi siguèt visitaire medicau, puei s’assajèt a la mantenença informatica, avans que de chanjar son mestier per èstre massaire e de desvelopar de tecnicas japonèsas de massatges assetats.
Dins leis annadas 1980 lo vaquí afogat deis estagis d’estius, ai Rescòntres Occitans de Provença. « Era extraordinàri que podiá nos donar plen d’idèas a-de-rèng a l’estagi de teatre » sotalinha Aimelina Recours, qu’a partejat am’eu l’atalhier de teatre dei ROP a Pont-du-Fossé, l’estiu passat.
Jòrgi s’es enanat dimècres, a 66 ans. Naissut lo 4 de janvier de 1952 a Marselha, lo Jòrgi siguèt visitaire medicau, puei s’assajèt a la mantenença informatica, avans que de chanjar son mestier per èstre massaire e de desvelopar de tecnicas japonèsas de massatges assetats.
Dins leis annadas 1980 lo vaquí afogat deis estagis d’estius, ai Rescòntres Occitans de Provença. « Era extraordinàri que podiá nos donar plen d’idèas a-de-rèng a l’estagi de teatre » sotalinha Aimelina Recours, qu’a partejat am’eu l’atalhier de teatre dei ROP a Pont-du-Fossé, l’estiu passat.
Òme de teatre e d'escòlas
Vici president de l’IEO 04-05 per lei Basseis-Aups, lo vaquí president entre 2013 e 2015, onte assaja de desvelopar la librariá òc de Gap. Entornat a la vici-presidencia dau 04 a partir de 2015, s’investis dins d’animacions escolarias, e pensa a de projècts.
Aquel òme de cultura aviá l’intencion de crear de teatre de pòcha per leis escolans, am’una tecnica japonèsa, lo "Kamishibaï". Am’una tiera d’imatges dins un teatre pichon de bòsc o de papier.
Seis amics li faràn omenatge dimarts a 15 oras au crematorium de Manòsca. L'IEO-Paca parla de son "grand tristum". A sa frema Martina e a seis cinc enfants coma a sei felens, Aquò d’Aquí assegura de sei pensadas.
Aquel òme de cultura aviá l’intencion de crear de teatre de pòcha per leis escolans, am’una tecnica japonèsa, lo "Kamishibaï". Am’una tiera d’imatges dins un teatre pichon de bòsc o de papier.
Seis amics li faràn omenatge dimarts a 15 oras au crematorium de Manòsca. L'IEO-Paca parla de son "grand tristum". A sa frema Martina e a seis cinc enfants coma a sei felens, Aquò d’Aquí assegura de sei pensadas.
A l'Espaci Occitans dels Aups (photo MN)
La mortalitat infantile seriá en relacion amé la barradura de maternitats