Aquò d'Aqui


Carriera d'Aubanha ...

Huit morts, 2700 évacués...mais après le drame de Marseille le droit à se loger dignement est toujours aussi théorique.

Un an après l’escrancament de dos immòbles dins lo centre ancian de Marselha,  mai de cent cinquanta autrei desclarats perilhós siguèron estats vuejats de seis abitants, e se’s desvelat a chapauc d’un latz una tiera d’escandòls ligats a l’abitat indigne, d’un autre latz la prefonda indiferència de tot lo monde dei captaus marselhès. Enfin, l’Estat que vòu tant tenir lo poder dins lei territòris siguèt tanben lo grand absènt dau problèma, emai dei soluciens.

Carriera d'Aubanha ...















            partager partager

Carivènd TGV entre Marselha e Niça


Mis en Concertation Publique jusqu’en décembre, le projet de ligne nouvelle Provence Côte d’Azur, semble peu crédible, y compris à ses plus farouches supporters. En cause le coût annoncé. Mais sans décision sur les tracés, des milliers d’hectares seraient gelés.



Un TGV niçois nommé "désir"?
Un TGV niçois nommé "désir"?
Lançar un projèct que degun n’en vòu vertadierament, pas manco son lançaire…es ti ben rasonable?
 
La questien es pausada per la Linha Novèla Provença Aups Còsta d’Azur, la quala vèn de vèire durbir una concertacien publica que devriá pas servir a grand causa.
 
Aquò dich, fins qu’a decembre, lei ponchs de vista dau public pòdon èstre rebalhats a prepaus dei traçats que devon menar aquela rega ferroviària jusqu’à Niça, despuei Marselha, finalament.
 
Finalament ! Bòrd qu’aqueu projècte, qu’a solevat fòrça contestaciens a la mitat deis annadas 2000, passarà pas, finalament, per la plana dau Var. Aquí la viticultura n’en auriá patit, amé lei comunas ruralas onte s’amassan fòrça trabalhaires de l’industria d’auta tecnologia, e que li vòlon viure sensa que la SNCF l’i pòrte tòrt amé bruch e rotas copadas.

A cat escaudat l’aiga fresca l’esfraia

A droite du préfet de Région Stéphane Bouillon, le président de Région et ex maire de Nice Christian Estrosi, a du mal à croire à la réalisation de la ligne nouvelle. Il souhaite a minima que le tracé soit retenu, afin de ne pas geler le foncier sur le trajet (photo MN)
A droite du préfet de Région Stéphane Bouillon, le président de Région et ex maire de Nice Christian Estrosi, a du mal à croire à la réalisation de la ligne nouvelle. Il souhaite a minima que le tracé soit retenu, afin de ne pas geler le foncier sur le trajet (photo MN)
Adonc es un projècte « dei ciutats » que passa per Marselha e Tolon per li portar pèira a l’economia, e que prepausa ara SNCF Réseau, lo novèu vestit de Réseau Ferré de France. Ailàs, aqueu novèu biais de faire de trins a granda velocitat es carivènd : «  Se parla d’una premièra lesca de 7 miliards d’€uros, que podriá passar a 20 o 30 avans que de vèire arribar lei premiers TGV a Niça » qu’auçava leis espatlas Crestian Estrosi. Lo novèu president de Regien, ancian Cònse de Niça, aièr apelava de sei vòts lo TGV au sieu, mai  sembla pus tant li crèire a l’ora d’ara…
 
« Ai fach mon experiéncia fa onge ans » qu’a dich a la conferéncia de premsa que presentava lo projècte, a la fin de setembre a Marselha. Una experiéncia malurosa per eu e per son projècte d’ agençamentàs de la Plana de Var.
 
Mai li vòu crèire encara una briga, a doás condiciens : un cambiament politic que menariá, après mai de 2017 un governament segon son gost, e una taxa sus lei transpòrts entre Piemont e Provença que permetriá de pagar de lònga lei chantiers dau TGV e adonc de « mestrejar l’integracien environamentala d’aqueu projècte ». Segur que d’ecologistas veirián pas ben lei causas coma aquò.

Sensa decisien, l’especulacien fonsièra

Maugrat tot, aqueu projècte de linha ferroviària que sembla pas dever crebar l’uòu deu pasmens èstre decidit…que senon, lo fonsier entre Marselha e Niça, seriá blocat per d’annadas.  « Faire esperar de lònga lei proprietaris pòrta un nom, l’especulacien ! » sotalinha amé rason lo president de Regien. E es per aquò que vòu, maugrat son incredulitat, « anar lèu  ! », se pòu pas viatjar lèu...
 
Oficialament, es a dire segon SNCF Réseau, la linha fa vèire ren que d’avantatges, coma portar pèira a l’absorbiment de 30 miliens de desplaçaments de mai, esperats sus la riba de mar fins qu’en 2025, e que senon se farián per rota. Lei viatjaires n’en patirián, bòrd qu’entre Niça e Sofia Antipolis un trabalhaire que rotla perdriá, segon leis estudis SNCF, en 2025, 32 jorns l’an ren que per se desplaçar entre son ostau e son burèu.
 
Verai qu’en 1860, quand es arribat lo trin en Provença, aquela comptava tres còups mens d’abitants. Mai segur que per respondre au besonh de transpòrts au dintre de la Regien, lo TGV sembla pas tant adaptat. Es per aquò que SNCF Réseau comunica pereu sus un autre aspècte : lo TGV, rapide, raprochariá lei metropòlas provençalas que son Marselha, Tolon e Niça.
 
Un raprochament à 20 miliards, valent a dire que benlèu  es un pantais que lei raprocharà per l’esperit, mai segurament que dins la realitat per lo ralh.
Le budget prévisionnel de la première tranche, vers Toulon, est estimé à sept milliards d'€uròs. Mais la nécessité de creuser de nombreux tunnels dont la difficulté est inconnue pourrait augmenter le devis (photo MN)
Le budget prévisionnel de la première tranche, vers Toulon, est estimé à sept milliards d'€uròs. Mais la nécessité de creuser de nombreux tunnels dont la difficulté est inconnue pourrait augmenter le devis (photo MN)

Article écrit avec les suggestions lexicales de Reinat Toscano
Le tracé et les aménagements mis à la concertation par SNCF Réseau
Le tracé et les aménagements mis à la concertation par SNCF Réseau

Samedi 22 Octobre 2016
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche


L'Aquò d'Aquí de novembre arrive bientôt
Dison que...

Abonatz vòstre CDI professor(a)s e sauvatz Aquò d’Aquí

Amis professeurs d'occitan-langue d'oc, si vous le demandez au centre de documentation de votre établissement, il s'abonnera. Vous aurez alors fait beaucoup pour la soutenabilité de notre titre.

Abonatz vòstre CDI professor(a)s e sauvatz Aquò d’Aquí

Joan-Pau, professor d’occitan-lenga d’òc dins lo ròdol de Sant-Gaudens, li agradariá que seis escambis de liceans amé lei Balearas siguèsson valorisats ; a Sarà seis animacions ai collègis marselhés deurián èstre conoissudas de tota l’encontrada d’ensenhaires, e lei collègas la veirián amé mai de seriós…

 

 



Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.