Aquò d'Aqui

Journée historique pour les langues régionales

La loi dite Molac donnera des droits à l'enseignement des langues minoritaires en France, enfin ! ça ne s'est pas fait tout seul.

Bien des lecteurs d'Aquò d'Aquí ont été surpris, le 8 avril, du vote écrasant des députés en faveur de la loi de Protection des langues régionales, avancées par le groupe parlementaire Libertés et Territoires. Pourtant une observation un peu fine des évènements qui ont conduits à cette issue aurait rassurée plus d'un.

















            partager partager

Assistits


Les maires opposés à la Métropole d'Aix Marseille ont reçu des assurances du futur "patron". Ils feront ce qu'ils voudront. L'art de tout changer pour que rien ne change...



Enfin tous unis...contre Paris (photo MN)
Enfin tous unis...contre Paris (photo MN)
La Metropòli d’Ais-Marselha es ara quasi una realitat, que deu s’impausar a una centena de comunas e sei sièis intercomunalitats per lo començament de janvier 2016.
 
Es plus d’ora, per lei 103 premiers cònsols que ne’n volián pas, de s’escondre darrier son refus. Es l’ora de discutir lei mejans de reüssir aquela escomessa d’acampar una metropòli que vòudrián veire bailejar la Mediterranèa.

Coma fondar una capitala eurò mediterraneana quand començatz per ne'n demandar lo mejan a Paris ?

Es ce que mai que d’un a dich quand se son acampats a Marselha per lo darrier dissabte avans lei vacanças d’estiu.
 
Volián entendre Jan-Claudi Gaudin, lo premier cònsol de Marselha, faire un brave numerò de claquetas. Coma en 1995, quand es naissuda la comunautat urbana de Marselha, amé fòrça teatralitat, a dich ai cònses ce que volián entendre : « tant que ieu serai baile de la Metropòli, seretz lei patrons au vòstre ! »
 
Patrons que podrián alòr consomar tant d’espaci coma l’an totjorn fach am’una politica de permés de bastir qu’espandisse l’ostau individuau de’n pertot e que fa impossible a l’ora d’ara tota politica rasonabla de desplaçament e de transpòrts publics de tria.
 
La fòrta pollucien de l’èr que pertocava tota l’aglomeracien lo diluns d’après, coma mai o mens un jorn sus tres, nos vèn d’aquí, d’aqueu degalh dei politicas publicas permissivas que nos estrangola despuei trenta ans, pas mens.
 
Puei, totei sabon s’acampar per romegar que l’Estat li dona pas lo mejan de la reüssir aquela Metropòli, que ne’n volián pas.
 
Va sabèm, París es lèst a impausar, puei a vos far pagar sei decisiens.
 
E es verai que lei dotaciens d’Estat ai comunas dei Bocas-dau-Ròse se nequelisson despuei 2013. Mens 105 M€ ! L’Estat donariá 50 M€ per endraiar la Metropòli.
 
« Nos parlan en miliens, mai per bailejar la Mediterranèa nos faudriá parlar de miliards » que ditz l’ardènt afogat baile dei cònses enrabiats còntra la Metropòli, Jòrgi Cristiani.
 
Vaquí onte ne’n siam e perqué, fondamentalament, aquela Metropòli aurà ben pauc l’astre d’èstre capitala de l’Euròpa Mediterranèana.
 
Gèno e Barcelona son fòra de portada per aquela plaça.
 
Es qu’a Marselha, quand volètz èstre fòrt, demandatz de dardenas a l’Estat. A Barcelona exigissètz de pas li pagar mai. A Marselha, demandatz la permissien a l’Estat de faire un quartier d’afaires, e lo pregatz de bastir un Museum onte avètz ren de dire. A Barcelona, lo cònse e lo president de la Generalitat s’entendon per faire un projèct que serà lèu fach. Qu’a l’Estat li agrade ò non.
 
Aquí lei cònses son d’acòrd amé l’Estat per pas recebre mai d’impòst, e preferon de lo laissar filar a París, que vos dona puei ce que vòu ben.
 
Aquí una maladiva mentalitat d’assistits, ailà lo sentiment  que l’avenir es sieu. Siam polits, Metropòli o non !

Lundi 29 Juin 2015
Aquò d'Aquí




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Avec notre mensuel d'avril : Loi langues régionales et initiatives au pays

Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.