Aquò d'Aqui


Lengas minorisadas : enfin una estrategia de reconquista

Avec un rassemblement peu couru et parisien, un fait majeur vient pourtant de survenir le 30 novembre : les défenseurs des langues minoritaires se sont alliés et ont décidé d’une feuille de route.

Davant la Glèisa Santa Clotilda, brandussan lei bandièras : negras amé tèsta de Maure, o arminas de muma color, sang e òr amé crotz de Forcauquier e Tolosa, o l’estrella de l’independentisme catalan, e d’autrei. Benlèu que son pas mai que sièis cents lei manifestants, mai ben colorats. Un arc de seda dei minoritats lenguisticas de l’exagòne. Justament èra la tòca d’aqueu recampament : faire molon, e charrar de ce que partejan totei, una lenga mespresada, en dangier de disparéisser.

Lengas minorisadas : enfin una estrategia de reconquista















            partager partager

A Barcelona : « a votat ! »

Notre reportage en Catalogne le premier octobre 2017


BARCELONA. Voici deux ans un référendum, interdit par le gouvernement espagnol, réunissait près de trois millions de Catalans pour leur indépendance. « C’est l’exercice de la démocratie » nous avaient dit les citoyens impliqués. Voici notre reportage tel quel, il a deux ans !



2 octobre 2017, marche de protestation des étudiants, contre la répression de la veille (photo MN)
2 octobre 2017, marche de protestation des étudiants, contre la répression de la veille (photo MN)

Am’aqueu udolament en montanha russa, vos avisan mai qu’un corbatàs, lei serenas, que lo malur vos tombarà sus l’esquina. La tiera de camionetas negras passa sus la Gran Via de Les Corts, a cha pauc pèr que lo monde ne’n aprofieche ben. Vint veituras de polícia que van cap au centre, onte lei policiers prometon de se ronçar sus l’elegèire.


 

Es pas encara nòuv oras, aquela de la dubertura esperada dei centenas de burèus de votacion de Barcelona. Pròche de la Plaça d’Espanha, intram a l’Escòla Francesc Màcia, onte aièr m’avián dich : « …periodista d’expressió occitana !? Molt bé, hi sarem…tota la nit tambè ». E l’i retròbi Julià, ara lei peus tirats sus lo cràni, una briga alassat. « Òc, sabem que dejà « lei gris » an atacat dos burèus com’aqueu, li a de monde nafrat ». Leis aplaudiments nos copan : leis urnas blancas vènon d’arribar. D’òmes encagolats leis an passat a quatre fremas risolèntas, e ja son au mitan dei salas de classas.


 

Son de Catalans francés qu’an aduch lei boitas a democracia, despuei son ostau. Benlèu dos mila « toristas » an passat d’ora la frontiera, coma aquò. Leis urnas, elei, son chinesas, produchas am’un mercat secrèt.


« Sempre lo TCE nos a umiliats »

A uei cent mètres, sota la plueja, amé lo Julian*, arribam a l’Escòla dei XXVencas Olimpiadas, còla de Montjuic. Coma tot ara, dos policiers rèstan a l’intrada. Aquelei son de Mossos (lei « dròlles ») d’Esquadra. « Au servici dau brave monde ! ges d’engambis am’aquelei ! ». Narcis, la mostacha galesa , parla catalan coma un Italian. Lesca l’èr dei dos braç pèr nos dire coma l’Espanha agisse d’un biais colhon : « an agut dètz ans pèr entendre lei Catalans. Mai non ! Son Tribunau Constitucionau nos a tot restancat, sempre : lei taxas per compensar l’argent que nos donava plus – nòstre argent ! -, lei Lèis pèr l’egalitat òmes fremas, e nos an constrenchs a pagar l’escolarisacion dei collegians en castilhan… » AqueuTribunau Constitucionau es format de jutges chausits pèr consensus entre lo Partit Popular (drecha) e lo PSOE (gaucha), que « de lònga nos an empaurits e umiliats. Ara basta ! » e de levar lo talh de la man au nivèu dau front : ni’a pron. Un nivèl mai bas, dins la cort de l’escòla, una clamor se fai ausir ; dos milas personas batan dei mans : « Oí ! Narcis, ara es reparat lo sistèma ! » que ditz un òme de roge vestit. « Enfin ! L’informatica marcha, lo monde podrà votar ».

 

Sota lo teulisson an assetat lei vièlhs e leis endecats. Elei seràn lei premiers a votar. Au dintre, Antòni nos explica : « pensam que lo sistèma es estat piratat pèr l’Estat » Es alòr que nòstre agach, pèr lo premier còp, tomba sus lo butletin. Arribam plus de parlar. Aviam jamai vist la lenga occitana estampada sus un document ciutadan. Pasmens es verai : lo « Òc » e lo « Non » vesinan amé lei mumei formulas, en catalan coma en castilhan.


 

« Normau, braves ! Son ren que cinc milas a parlar l’Aranés, mai forman partida dau pòple, e que sigan quatre vint milions o mila, es tot parier, an lo drech a sa lenga ! ». Gramaci l’Antòni, es ce qu’aviam pantaiat d’ausir.


Coma sortem de l’escòla, Angèls nos apara de l’aiga dau cèu ‘mé son paraplueja. « Ieu ai votat per l’independència, a regrets. » Estonament. « M’auriá agradat una solucion negociada, mai jamai ne’n an vòugut. » Pèr aquela dòna d’aperaquí quaranta ans, « es un divòrce, dificile, qu’es en trin de se jugar.  Serai urosa de collaborar deman amé l’Espanha, mai estent segura de poder li parlar d’egau a egau ».


 

Lei smartfònes ara caufan. Aprenèm tot d’un còp qu’autre part a Barcelona la Guardia Civil a picat de monde, grevament. De fremas que podrián èstre la maire dei policiers marchan la tèsta ensaunida.


 

Pena perduda ! Lo sistèma de votacion es informatisat. Lo monde pòu votar onte que siegue. Mai que d’un a laissat Barcelona pèr votar en familha, au vilatge. De còp, ansin, li a agut mai de votaires que de noms sus la tiera de votacion. Lei jornalistas francés n’an deduch una manipulacion, l’an escrich e publicat.


 

A dos quilomètres de Montjuic, entre lei carrieras Sant Pau e dau Marqués de Campo-Sagrado, la caserna de la Guardia Civil barra sei pòrtas. Dos gardas ne’n sòrton de còps la tèsta din una mena de gatiera per uman. Dei dos costats, dos burèus de votacion recampan, chascun, dos mila personas. Aquí lei policiers bolegaràn pas. D’autant mai qu’au burèu dau Centre d’Activitats de Retirats, un barbassut brun crida au megafòna : « dins tau burèu an atacat pèr raubar leis urnas ; vos demandam de ben demorar aquí pèr lei restancar ». La dicha arriba fin qu’a la gatiera pèr umans. E l’i restaràn.


 

Tot parier a l’escòla Joan Miró, onte lo monde fai una ovacion ai pompiers que te fan passar dos camions. « An dich que faràn restanca davant la polícia » anoncia Carles, mans en pòchas, tranquila. Aquí tampauc faràn ren…S e vira d’esquina pèr agachar ; de centenas de gents arriban.


Divòrce necita

Pour la première fois au monde, un bulletin de vote rédigé en occitan (photo MN)
Pour la première fois au monde, un bulletin de vote rédigé en occitan (photo MN)

A l’interior, Manel es crebat. L’assessor principau a pas dormit despuei mai de vint-e-quatre oras. La paraula planplaneja e tirassa ; ja, l’òme pantaia de son liech. « Es pas tant lo resultat que nos interessa, agachatz, li a 90% de « òc »…e de ponchar lo det sus la chorma de dònas que còmptan lei butletins, « mai es qu’avèm poscut va faire ! Sai pas se nòstre referendom nos farà independents, mai ce qu’es segur es que fa vèire au monde ce qu’es la fòrça d’une volontat de democracia ».


 

Acarats an aquelei ciutadans que volián dire son vejaire sus son avenir, quauquei sièis mila policiers de la Guardia Civil, dins lo mume temps, nafran mai de mila personas. La nuech venguda, a la TV espanhòla, Sorraya Saénz de Santamaria, la numerò dos dau governament, trompeta que d’empachar lo monde de votar, èra sauvar la « democracia e la convivència ».


 

Dos biais de vèire e d’agir que fan pensar que, se mume la definicion dei paraulas essencialas es pas partejada, Angèls a benlèu rason : lo divòrce es la solucion.


Mardi 1 Octobre 2019
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

L'Aquò d'Aquí de fin d'année s'attelle à la charrue
Dison que...

C'est pas (encore) dans la poche !

Vous avez chez vous le guide parfait de conversation en occitan courant ? Vite, dites-le nous, parce qu'on marne un peu côté pratique.

Je ne vois pas de guide pratique de conversation digne de ce nom en occitan. 

Un guide qui d'un coup d'œil vous dise comment nommer tout ce qui se trouve dans votre cuisine ou dans un supermarché ; un recueil d'expressions toutes faites qui vous permette d'animer une conversation, avec un index impeccable ; un thésaurus qui vous glisse sous les yeux sans efforts les synonymes adaptés...
C'est pas (encore) dans la poche !


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.