partager
Tres milo peço de coustume an crema dins l’incèndi de l’annèisso de la Bastido Marin, dins l’auturo de La Ciéuta. L’ataié de counfeicioun di coustume d’epoco 1720 poudié recampa l’obro di soci despièi dès-e-sèt an.
Desclara dins la niue de dimenche a dilun l’incèndi n’en conéisson pas l’ourigino. L’intervencioun di poumpié a pougu evita que s’espandisse lou fiò a la bastido touto entièro. Lou bastimen, mai que mai coubeseja emé si dous ectaro dins uno cieutat que bastis fouarço, siguè urousamen desclara mounumen istouri en 2013.
Li coustume deien servir pèr un espetacle anuau sus la Pèsto de 1720. Ja lou mounde de l’Assouciacioun dis Ami de la Bastido Marin se moubilison pèr constitui uno novo couleccioun. La beilèssa de l’Assouciacioun, dono Mirèio Benedetti, a coumença de rampela lou mounde, coumo poudrès va legi sus lou facebook dis ami de la bastido.
Silvan Chabaud, un premiat especialista de Belaud de la Bellaudièra coma de la musica engatjada
