partager
« Adjudatz nos a identificar leis adreiças sotamessas a un arrestat de perilh ». Es la demanda una briga extravaganta dau jornau La Marseillaise, qu’assaja de faire lo còmpte dei luecs onte lo risc d’espoutiment d’immòble seriá fòrt a Marselha. Leis abitants –doas cents familhas a l’ora d’ara deslotjadas pèr causa de risc – son convidats a dire son adreiça e lo nom de son proprietari.
E despuei l’estampèu d’aqueu dei 63-65 de la carriera marselhesa d’Aubanha, lo cinc de novembre, d’aquéleis arrestats, se n’en prènon a braç virat , una bòna desena son publicats dins l’ultime Recuelh deis Actes Admenistratius de la ciutat foceana, que pareisse tótei lei quinge jorns.
Mai, sus tótei, lei noms dei proprietaris son emmascats de negre. Discrecien ? Proteccien de la vida privada ?
Despuei que, dètz jorns après lo drama, s’es desvelat qu’un apartament dau 65 carriera d’Aubanha, onte vivián lei uech victimas, èra la proprietat d’un conselhier regionau pròche de son president, Xavier Cachard, lèvan dobte, tótei, sus la possibilitat d’una vasta especulacien : de borgés marselhés, esperant sus d’operaciens de renovaciens, tótei ben informats per lei politics, serián proprietaris de mai que d’un immòble sensa jamai li faire de trabalhs… una pura especulacien, amé crompa d’ostalàs pas cars, esperant lei vendre dins dètz ans, fòrça car, o au mens lo foncier que seriá utilitzat pèr una operacien de reconsctruccien.
La discrecien, pasmens, pòu que reforçar lo sopçon. Tota fes, per legir lo nom dei proprietaris basta d’anar vèire lei múmeis arestats dins chascuna dei uech comunas de sector de Marselha, una per chasque dos arrondiments. Aquí li seràn normalament placardats.
Aquel afaire que, segur, escafarà mai que d’un politic dau paisatge marselhés avans leis elecciens de 2020, es premier lo desvelament d’una incuria comunala dei gròssas. A l’ora d’ara, li auriá entre cent-cinquanta e dos cents immòbles pertocats per d’arrestats de perilh o d’insalubretat a Marselha. Un vertadier sistèma dau laissar-faire qu’a faugut uech mòrts per lo desvelar.
E despuei l’estampèu d’aqueu dei 63-65 de la carriera marselhesa d’Aubanha, lo cinc de novembre, d’aquéleis arrestats, se n’en prènon a braç virat , una bòna desena son publicats dins l’ultime Recuelh deis Actes Admenistratius de la ciutat foceana, que pareisse tótei lei quinge jorns.
Mai, sus tótei, lei noms dei proprietaris son emmascats de negre. Discrecien ? Proteccien de la vida privada ?
Despuei que, dètz jorns après lo drama, s’es desvelat qu’un apartament dau 65 carriera d’Aubanha, onte vivián lei uech victimas, èra la proprietat d’un conselhier regionau pròche de son president, Xavier Cachard, lèvan dobte, tótei, sus la possibilitat d’una vasta especulacien : de borgés marselhés, esperant sus d’operaciens de renovaciens, tótei ben informats per lei politics, serián proprietaris de mai que d’un immòble sensa jamai li faire de trabalhs… una pura especulacien, amé crompa d’ostalàs pas cars, esperant lei vendre dins dètz ans, fòrça car, o au mens lo foncier que seriá utilitzat pèr una operacien de reconsctruccien.
La discrecien, pasmens, pòu que reforçar lo sopçon. Tota fes, per legir lo nom dei proprietaris basta d’anar vèire lei múmeis arestats dins chascuna dei uech comunas de sector de Marselha, una per chasque dos arrondiments. Aquí li seràn normalament placardats.
Aquel afaire que, segur, escafarà mai que d’un politic dau paisatge marselhés avans leis elecciens de 2020, es premier lo desvelament d’una incuria comunala dei gròssas. A l’ora d’ara, li auriá entre cent-cinquanta e dos cents immòbles pertocats per d’arrestats de perilh o d’insalubretat a Marselha. Un vertadier sistèma dau laissar-faire qu’a faugut uech mòrts per lo desvelar.
Silvan Chabaud, un premiat especialista de Belaud de la Bellaudièra coma de la musica engatjada
