Loïc Fauchon prepausa un « Pacte de seguretat de l’aiga » a l’ONU

Lo Marselhés Loïc Fauchon es despuèi d’annadas lo president dau Consèu Mondiau de l’Aiga, qu’a son sèti dins la ciutat provençala. Vèn de presentar un « Pacte par la seguretat de l’aiga a l’ONU ont èra  convidat a donar son avejaire sus lo problèma en preséncia de Ban Ki Moon, le segretari generau de l’organisacion mondiala, e una trentenada de reprsentants de país.
 
En sièis ponchs l’òme, qu’es tambèn l’ancian cònsol de Rosset, a l’adret dau Mont Venturi, a desvolopat la tòca dau Consèu que presida : demanda subretot de modificacions dins la Constitucion de chasque país, per i far intrar lo drech de l’aiga per tótei. Mai li demanda tambèn que lei govèrns prenan l’engatjament « d’impausar de robinets d’aiga e de privats dins cada escòla creada ò reviscolada d’en pertot dins lo monde ». Entre àutrei solucions, prepausa enfin que siegue creat un Fons Mondiau « aiga e energia » per sostenir lo desvolopament dei produccions agricòlas localas ».
 
Aquéleis iniciativas arriban en seguida dau Forum Mondiau de l’Aiga que s’es vougut focalisar, en març passat a Marselha, sus lei « solucions ».

écrit en graphie classique avec les suggestions de Reinat Toscano