partager
Vau mielhs de s’acarar a la realitat, tant triste que pòsque èstre. Mentre lei quauquei quasi tres millions de collègians e liceans dei sièis Acadèmias dei regions de lenga occitana, pas manco sege mil aprenon l’occitan, es a dire 1,1% de l’efectiu dau second grau, segons l’estatistica que publica la Federacion deis Ensenhaires de Lenga e Cultura Occitana (Felco). Una briga !
Onte l'occitanisme a mai de vòlha l'ensenhament es pas tant feble
En Provença (Ais-Marselha) son 2028 collègians e 338 liceans, encara que lei dos despartaments aupencs siegan un desert per aquel ensenhament. Dins l’Acadèmia de Bordèu trobaretz ren que 128 liceans, e 2082 collègians qu’aprènon la lenga nòstra. E tres liceans, pas mai, dins l’Acadèmia de Clermont, amé 162 collègians…. Quina perda entre lo collègi e lo licèu ! Es de vèire se lo sector onte son lei collègis son lei memes qu’aqueu onte se tròba lo licèu…
L’Acadèmia de Grenòble, onte sols dos despartaments son de lenga nòstra, degun licean apren l’occitan, e a pena 20 collègians. Aquela de Limòtge acuelha 29 liceans e 85 collègians dins sei cors d’occitan.
L’Acadèmia de Montpelhier presenta un efectiu mai calossut : 1393 ai collègis e 186 ai licèus.
Lo dinamisme dau monde militant dins l’Acadèmia de Niça, am’una volontat politica de prepausar la lenga au primari, amé d’escòlas publicas en immersion, podriá explicar lei melhors résultats : 447 ai licèus mai solament 785 ai collègis.
Enfin, l’Acadèmia de Tolosa acampa 4955 collègians per apprendre l’occitan, e 523 liceans.
Lei rasons serián de cavar, mai maugrat la pauretat generala deis efectius d’occitan, podèm pensar que onte lo militantisme es mai fòrt, la situacion s’anequelis pas tant.
L’Acadèmia de Grenòble, onte sols dos despartaments son de lenga nòstra, degun licean apren l’occitan, e a pena 20 collègians. Aquela de Limòtge acuelha 29 liceans e 85 collègians dins sei cors d’occitan.
L’Acadèmia de Montpelhier presenta un efectiu mai calossut : 1393 ai collègis e 186 ai licèus.
Lo dinamisme dau monde militant dins l’Acadèmia de Niça, am’una volontat politica de prepausar la lenga au primari, amé d’escòlas publicas en immersion, podriá explicar lei melhors résultats : 447 ai licèus mai solament 785 ai collègis.
Enfin, l’Acadèmia de Tolosa acampa 4955 collègians per apprendre l’occitan, e 523 liceans.
Lei rasons serián de cavar, mai maugrat la pauretat generala deis efectius d’occitan, podèm pensar que onte lo militantisme es mai fòrt, la situacion s’anequelis pas tant.
Changement d'adresse...