partager
Li auriá agut dissimulacion d’auvaris a la centrala nucleari dau Tricastin, entre Monteleimar e Avinhon, entre 2017 e 2021 ? En tot cas un quadre, ara anonim, denoncia sa ièrarquia. Seriá estat apartat per aquò e a l’ora d’ara demanda l’estatut de lançaire d’alèrta a la Justicia.
Mesa en rota en 1980 amé sei quatre lescas
de 915 MW sus 55 ectaras, la centrala deurà lèu se sometre a l’examen de sei quaranta ans, per perseguir sa produccion d’electricitat. Mai segon l’emplegat EDF auriá escondut
o minimisat mai que d’un incident en cinc ans, ce qu’incita pas a la fisança.
En junh de 2017 lo reactor n°1 seriá intrat en surpoténcia, una inondacion interna seriá pas estada declarada a l’Administracion de seguretat lo 29 d’avost de 2018 (un mes e mieg après la Centrala organisava una visita de pressa, onte Aquò d’Aquí siguèt convidat, sensa pasmens signalar la causa…)
Lo Pòle de Santat Publica de Marselha vèn de dubrir una informacion judiciari còntra X e lo Parquet se’s sasit de l’afaire, per una dozena d’infraccions au còdi penau e au còdi de l’environament, entre autrei per « empacha ai contraròlas » e per « secutament
» dau quadre denonciaire e ara placardisat.
L’Acadèmi Prouvençalo de Cano vitimo d’un cambrioulage
L'informacion de Provença Aups e Còsta d'Azur