partager
Levat de compliments e de son biais de dire la meteò, la polida Jia Jia aurà pas fòrça conversacion. E pas la pena de guinchar la bèla, que vos respondrà que li agrada mai de demorar celibatària.
Jia Jia es un ròbòt umanoïd chinés,desvelopat per Chen Xiaoping, de l’Universitat de Sciéncias e Tecnologias de China. Fa pauc de temps siguèt desvelada a Shangai.
La semblança am’una dòna vertadièra es una capitada, mai am’un intellect que fariá vergonha a la mai comprenensibla dei feministas.
Per son creator, segur, es un endraiament , e de generacion en generacion podràn que se milhorar aquelei « dònas ».
La tòca, dins un país que valorisa l’enfant unic, es segur de palliar au manca de man d’òbra, especialament dins leis establiments de servicis tau coma espitaus o encara leis ostaus de retirats.
Pòu indentifiar lo sèxe de seis interlocuteurs, Jia Jia ; e s’espantan, aquelei, de l’entendre dire « siás un òme plasent ».
Jia Jia es un ròbòt umanoïd chinés,desvelopat per Chen Xiaoping, de l’Universitat de Sciéncias e Tecnologias de China. Fa pauc de temps siguèt desvelada a Shangai.
La semblança am’una dòna vertadièra es una capitada, mai am’un intellect que fariá vergonha a la mai comprenensibla dei feministas.
Per son creator, segur, es un endraiament , e de generacion en generacion podràn que se milhorar aquelei « dònas ».
La tòca, dins un país que valorisa l’enfant unic, es segur de palliar au manca de man d’òbra, especialament dins leis establiments de servicis tau coma espitaus o encara leis ostaus de retirats.
Pòu indentifiar lo sèxe de seis interlocuteurs, Jia Jia ; e s’espantan, aquelei, de l’entendre dire « siás un òme plasent ».
D'esmogudas umanas
E segur, l’afaire pausa mai que d’una question sus l’umanitat que se crèa d’esclaus cibòrgs, coma l’a deja tractat la seria TV suedèsa Real Humans.
Amé de ròbòts que semblan d’òmes, o puslèu de fremas, seriam en empatia totala, coma amé Sofia, aquela creada ais USA per la societat Hanson Robotics. Sofia aficha un realisme fons, que sa facia pòu reprodurre seissanta quatre muscles dau visatge, e adonc faire coma s’aviá tot un ventalh d’esmogudas umanas.
Seis uelhs dotats de cameras, pòdon reconoisser un interlocutor qu’auriá ja vist. E David Hanson, lo baile d’Hanson Robotics, ara pantaïa de li donar de consciéncia.
Aqueu Dieu amator es pas solet, que mai que d’un aprofiecha d’aquela tecnologia naissenta per assajar d’i pegar lei pantaïs dau moment, especialament aquelei d’òmes.
Ansin, s’avetz pas l’astre de sortir amé l’actora Scarlett Johansson, podretz totjorn vos pagar sa bessona de carbona, aquela que vos aurà provesit Rick Ma, un creator de Hong Kong.
Etapa seguenta per Jia Jia e sei sòrres, apprendre a rire e plorar…sus comanda.
Amé de ròbòts que semblan d’òmes, o puslèu de fremas, seriam en empatia totala, coma amé Sofia, aquela creada ais USA per la societat Hanson Robotics. Sofia aficha un realisme fons, que sa facia pòu reprodurre seissanta quatre muscles dau visatge, e adonc faire coma s’aviá tot un ventalh d’esmogudas umanas.
Seis uelhs dotats de cameras, pòdon reconoisser un interlocutor qu’auriá ja vist. E David Hanson, lo baile d’Hanson Robotics, ara pantaïa de li donar de consciéncia.
Aqueu Dieu amator es pas solet, que mai que d’un aprofiecha d’aquela tecnologia naissenta per assajar d’i pegar lei pantaïs dau moment, especialament aquelei d’òmes.
Ansin, s’avetz pas l’astre de sortir amé l’actora Scarlett Johansson, podretz totjorn vos pagar sa bessona de carbona, aquela que vos aurà provesit Rick Ma, un creator de Hong Kong.
Etapa seguenta per Jia Jia e sei sòrres, apprendre a rire e plorar…sus comanda.
Baboïns sus lo camin uman