Aquò d'Aqui


            partager partager

Lei tieras presentadas ai Regionalas de Provença ara son depausadas


Sept listes chercheront à capter les suffrages provençaux alpins et niçois. Notons que d’une part Renaud Muselier, le sortant, accueille deux provençalisants sur sa liste dans les Bouches-du-Rhône, et qu’une liste régionaliste, Oui la Provence, sera emmenée par Hervé Guerrera, lui élu entre 2010 et 2015.



De g à d Renaud Muselier, Hervé Guerrera, Valérie Laupies et Thierry Mariani (montage XDR)
De g à d Renaud Muselier, Hervé Guerrera, Valérie Laupies et Thierry Mariani (montage XDR)

La tiera Oui la Provence finalament siguèt depausada per l’eleccion regionala de junh venènt. Arvei Guerrera, conselhier regionau Poc-EELV entre 2010-2015 la menarà a partir dei Bocas dau Ròse, Ana-Maria Sgaravizzi dins lei Aups Maritimas, Pascau Recotillet dins leis Aups d’Auta Provença, Michèu Prat dins lei Auteis Aups, Ana-Maria Hautant, ela tanben conseilhèra regionala amb Arvei Guerrera entre 2010-2015, per la Vauclusa, e enfin Didier Cade dins Var, onte bailèja l’associacion d’oposicion a la linha nòva dau TGV vèrs Niça.

 

S’i tròba de monde de la societat civila a costat d’un ventalh de militants dau Partit Occitan mai tanben dau Partit de la Nacion Occitana. Pasmens la magèr part son de monde que venon de totei lei orizonts puslèu professionaus e sociaus que politics. De notar la preséncia dins leis Aups Maritimas de l'artista Ben e de la cantarèla Zine.

 

Ansin de Josep Delofeu, linguista a l’universitat o de Montserrat Laucoin, ex bailèsa de cafè-teatre, d’un escrivan de teatre coma Gilabert Combe, puei d’artistas, de professors, psicològas, retirats de la Sncf, eca. A l’imatge de la societat que vòlon representar.

 

Dins l’arèna politica regionala, seràn segur vists coma lei “pichons” a costat de la tiera que presenta l’actuau president dau Consèu Regionau, Renaud Muselier, amé de monde vengut tant de La République en Marche coma de son pròpri partit Les Républicains. D’aqueu podem remarcar que, dins sa tiera presentada dins lei Bocas dau Ròse, presenta Bruno Genzana a la novena plaça, qu’es d’un autre latz delegat au Consèu Despartamentau de la Lenga e Cultura Provençala. E mai d’aquò lei curiós trobaràn en trentunenca plaça, en principi eligibla, lo baile dau Collectiu Prouvenço.


Doas tieras de drecha e doas d'extrema drecha

Alors, Paca, Sud, Provence ?... (photo MN)
Alors, Paca, Sud, Provence ?... (photo MN)

A gaucha, un malaise bòrd que La France Insoumise presentarà pas de tiera, après lo refús d’EELV d’i anar amé la còla de JL Mélenchon, que comptava sus una tiera de recampament.

 

EELV per tant l’i serà ben, amé Jean-Laurent Félizia, mai amé lo PS, le PCF, GRS, Generation.s e lo Mouvement des Progressistes, dins una tiera comuna, mai sensa Lutte Ouvrière que tròba lo mejan de presentar sa tiera menada per Isabelle Bonnet.

 

Sotalinham la preséncia de l’ecologista de drecha Jean-Marc Gobernatori, que depausa una tiera au nom de Cap Ecologie.

 

Puei segur lo Rassemblement National l’i serà amé l’intencion de ganhar, bailèjada sa tiera per Thierry Mariani, vengut eu de Les Républicains fa pas manco dos ans, e que, en 2010, èra cap de tiera de la drecha ai Regionalas. Quin percors !

 

Encara es pas acabat bòrd que la transfuga dau RN, Valérie Laupies, serà cap de tiera per la còla d’Eric Zemmour, amb un nom que farà data dins lo monde dau populisme regionau : “Zou la liste qui vous débarasse du système”, pas mens...


Lundi 17 Mai 2021
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche


L'Aquò d'Aquí de septembre

Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.