
Mai penso qu’après lou 14 de janvié, fin de la sasoun de coulèito, la platafourmo de trissage de Veolia poudra reciéucla mai de tres touno de bos de serento de Nouvè. Chascun saup bèn qu’en veritat lou « sapin » n’es pas un…
Per li arriba, soun servici a mes en plaço un dispousitieu renfourça. En 2014, tre l’endeman de Nouvè, la duberturo de quatre poun d’aport voulountari avié acoustuma lei Seinen a pus abandouna soun sapin dins lei bac dei bordiho coumuno.
En 2015 pamens, lou mounde fuguè counvida a mena sei sereno dins sièis poun d’apouart, esto còup, pèr lei 65 000 abitan de la vilo, mai dins un temps mai courtet, entre lou premié de l’an e lou sege de janvié.
« La bèlo nouveuta es que son leis enfant que n’en faguèron la coumunicacien, d’aquelo iniciativo ! » qu’ajusto Deborah Cecarelli, « bord que son ana pèr classo dins lei plaço de La Seino ount’èron acampa lei sereno, pèr decoura chascuno soun « sapin ». Es bèn counéissu aco, quand vouastei nistoun vous dison de recieucla lei residu, pus degun parent auso jita que que siegue ounte que siegue…
Le sapin incinéré, comme les déchets verts brûlés, est une cause de pollution atmosphérique à ne pas négliger

E tout aco es a gràtis.
Segur es interessant de bèn recieucla lei soubro ; e perqué crema de bos per ren dins un incinerator, puleu que de n’en faire lou gapan que fara deman créisse leis èrbas deis espaci publi ? En mai d’acó, li a un vertadié enjue de qualita de l’èr.
« Lou bos es uno dei bònei fouant d’energio renouvelablo, segur » nos apren Damian Piga, engeniaire d’Air Paca, qu’espincho lei poulucien atmousfèri de Prouvenço, « mai aquelo energio es respounsablo de 29% deis emissien de pousso fino dins l’èr, e de 58 % dei coumpauso ourgani volatiu, l’ivèr, bèn segur ». Aco’s pas ren.
E coumo aquelo energio créisse, l’enjue vendra mai fouart.