partager
En França, una societat, la Sagess, fuguèt creada ambé lei capitaus dei societats petrolieras, per mutualisar lo cost dei demandas estrategicas de l’Estat. Es un d’aquelei castelàs admenistratius a la francesa, qu’assaja de conciliar son liberalisme pantaiat e son dirigisme assumit.
Adonc fan viatjar fins a 2 000 mètres cubats d’idrocarbures per ora (valent a dire coma 600 camions la jornada) dins de borneus au diamètre de 45 centimètres entre la mar de Berra e Manòsca. E de tirar de sau ai salins de Camarga, per la menar a Manòsca, puèi d’i conservar lo petròli. La saumoire ten un ròtle dins l’estocatge dau petròli.
En Provença s’estòcan gas e idrocarbures dins de cavitats cavadas dins de jaç
espés e prefonds de sau gema, que seràn justament ni permeables nimai porós. Aquelei super-estancs son obtenguts amé l’injeccien d’aiga que dissòuvra per partida la sau, per ne’n faire d’aiga-sau.
Demieg lei uechs estòcs francés, e sei uechantas cavitats, fachas per dispausar lèu-lèu d’idrocarbures quora li a de cimas de demanda, la mitat son en Provença, au Martegue e dins lo relarg manosquin onte trobam fòrça formaciens salifèras.
Puei li a l’estocatge d’idrocarbures dins d’ancianas minas sosterranhas. Mai ailà es l’aiga sosterranha que ne’n assegura l’estabilitat. L’escomessa es de trobar de cavitats sosterranhas onte l’aiga contenguda naturalament dins lo ròc s’escola sempre vèrs la cavitat d’idrocarbures per ne’n restancar la fugida. Mai, de còps que li a de « rideus » d’aiga artificiaus pòdon ne’n jugar lo ròtle.
En Provença, au Martegue, am’aquò siguèron creadas de cavitats, amé de galariás cavadas dins lo calcàri de Caronta onte un ridèu d’aiga assegura l’ estanc
d’idrocarbures liqueficats. E doas societats, Geogas e Primagas, l’i consèrvan quauquei 650 000 m³ de gas, segon que s’agis de butane o propane, de gas domestic o industriau.
Puei, a Manòsca, lo site Geosel, dubèrt en 1969 compòrta vintasèt cavitats per estocar petròli brut, gasòle, nafta e autreis esséncias dins sèt miliens e mieg de mètres cubats, amé doas autrei cavadas au mitan deis annadas dos mila. Puei, tot un malhum de bornèus alimentan en aiga de Durança l’aiga-sau que serà puei evacuada vèrs dos estanhs.
E encara a Manòsca, Geomethane aquéu còp, compta amé uech cavitats que sèt entre elei devon estocar dos miliens e mieg de mètres cubats de gas naturau, aqueu còp, a mai de mila mètres sota tèrra, e despuei 2013 s’i cavan encara doas autrei cavitats per sèt cent cinquanta mila mètres cubats de mai.
Risc de casuda electrica lo uech de janvier
