2019 Annada dei lengas autoctònas per l'Unesco

Si le gouvernement français continue à considérer honteusement les "langues de France", l'entité de l'ONU pour la Culture, elle, les valorise en 2019.

L'entitat culturala de l'ONU fa de 2019 l'an dei lengas de pòples premiers. Mai a parlar d'autoctònas e de sei lengas, podem alargar a totei lei lengas en perilh.
2019 Annada dei lengas autoctònas per l'Unesco






            partager partager

L’Esquèma despartamentau aupenc de Provença vòu anar davant




DIGNE. Les membres de la Commission Départementale du Schéma Départemental de la langue régionale se réunissent à Digne la semaine prochaine. Le Département alpin cherche à favoriser le travail coordonné des associations et des différents services publics, en particulier éducatifs.



Lo Consèu Despartamentau deis Aups de Provença Auta convenciona amé d’associacions que fan mestier d’espandir la lenga nòstra. Arriba pas sovent aquò. Es per exemple lo cas amé l’Assoc (Animacion Escolaria d’Oc –IEO 04/05) per una virada annuala de teatre ais escòlas. E va fai encara per lo Comitat dei Fèstas Felibrenc, qu’organisa de cors de provençau.
 
Aquélei convencions de tres ans segur tranquilisan leis associatius, que pòdon desvolopar son projècte populari sensa se pausar a tot moment lo problèma de la subrevivença.
 
D’àutrei, coma nòstre jornau, o puslèu l’associacion que l’edita, se veson tambèn ajudats per donar ais autreis iniciativas la vesibilitat que fau dins un public mai larg en Provença e autre part.
 
La politica dau CD04 favorabla a l’ensenhament de la lenga nòstra e de la cultura que la lenga veïcula, es premier facha per faire intrar o tornar lo provençau e l’aupenc a l’escòla.
 
Una escomessa  ! Perqué fau cercar la bòna volontat de l’Educacion Nacionala…e que se pòu pas trobar a l’ora d’ara. Lo CD04 a estigançat en 2016-17 tota una campanha dins lei collègis… S’agissiá de crear una demanda. Un « flyer », coma díson, n’en fasiá la reclama.
 
Pecaire ! am’ un unic ensenhaire de segondari, de cors a Dinha e Manòsca, tres pas mai, e ren de ren dins leis escòlas dau premier degrà, a part d’animacions bailejadas per de mestressas retiradas, la demanda pòu ben crebar l’uòu , es pas ce que farà nomar d’ensenhaires dins leis Aups-d’Auta-Provença.
 

Jornada fondatritz a l'Espe de Dinha en janvier 2018

Fin janvier les acteurs de la politique de la lecture publique, du secteur associatif, de l'enseignement...Réunis à Digne pour une journée de sensibilisation et de connaissance des actions déjà engagées par le CD04 (photo MN)
Fin janvier les acteurs de la politique de la lecture publique, du secteur associatif, de l'enseignement...Réunis à Digne pour une journée de sensibilisation et de connaissance des actions déjà engagées par le CD04 (photo MN)
Pasmens, de monde fòrça volontaris, n’en trobam, lèsts a butar a la ròda, a preparar lo revèlh de la Bèla Educacion Nacionala au Bòsc Dormant… L’Espe, es a dire l’establiment de formacions dei mestres, coma lo centre documentari Canopee e la Mediatèca despartamentala son dins lei starting-blocks…Tótei an portat pèira an’una jornada d’esvelh a la lenga occitana, a l’ultime jorn de janvier.
 
A l’Espe fins qu’a quatre vint personas li son vengudas. Adonc se pòu dire qu’es pecat de vèire gastar una tant bèla vòlha.
 
D’aqueu temps l’assemblada despartamentala avançava sei reflexions. L’Esquèma Despartamentau « de valorisacion de la lenga e de la cultura provençala » siguèt lançat en decembre 2016. E lo CD04 li consacra mai de 20 000 € a l’ora d’ara.
 
Es aqueu que s’agirà de desvolopar lo 23 de mai dins un acamp de la Comission que li pòrta pèira : la vici presidenta dau Consèu Despartamentau, Natalia Ponce-Gassier, delegada a la lenga e cultura provençala, de foncionaris, de monde de l’Educacion Nacionala e tótei leis associacions que fan de cotria per mai partejar lenga e cultura d’aquéleis Aups de Provença.
 
Auràn de parlar d’anar mai luenh. En particulier s’agisse de mai faire conéisser son important trabalh, tant institucionau coma associatiu. Un portau dei sòcis e de seis iniciativas seriá en camin.
 
Per fin de mai partejar leis òbras e de pas tant demorar isolats deis àutrei mantenèires e promotors despartamentaus de la lenga. Es ce que nos díson lei bailes dau servici de la lenga d’aquela institucion : fau pas demorar chascun dins son recanton se volèm reüssir una politica favorabla a la lenga nòstra, mai au contrari anar de cotria .
 
 

Jeudi 17 Mai 2018
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Voici Aquò d'Aquí de mai
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.