partager
Bruno Genzana (photo MN)
Lo Consèu Despartamentau dei Bocas-dau-Ròse acuelhe lo Forum d’Oc. L’i parlatz au nom de la Collectivitat lo 12 de març. Que sens li donaretz an aquel acuelh ?
L’Ostau dau Despartament es un ostau comun. Martine Vassal a agut reson de ne’n durbir lei pòrtas au Forum d’Oc per son Congrès. L’òbra d’aquela estructura es solida. Lo dialòg que se farà lo 12 de març nos interèssa pereu, bòrd que lo Forum d’Oc es l’escasença per tot plen de monde de chifrar ensems.
L’Ostau dau Despartament es un ostau comun. Martine Vassal a agut reson de ne’n durbir lei pòrtas au Forum d’Oc per son Congrès. L’òbra d’aquela estructura es solida. Lo dialòg que se farà lo 12 de març nos interèssa pereu, bòrd que lo Forum d’Oc es l’escasença per tot plen de monde de chifrar ensems.
"L'important est de pouvoir transmettre la langue d'oc, quelle que soit sa graphie"
Coma vesètz vòstre ròtle de Delegat a la Lenga d’Oc e ai Tradiciens Provençalas ?
Leis aparaires de la lenga d’òc son, ailàs, tant afogats coma desunits. Ieu siáu comptable d’aquela riquessa plurala, e espèri que totei comprengan que chascun deu poder s’exprimir. Mon dever, mon ròtle, ma plaça, es d’èstre, pertot, testimoniaire d’aquela diversitat. L’important es de poder transmetre la lenga que que siegue sa grafia. Am’aquò vòli dire mon oposicien a la Reforma dei Colègis, grèva per l’ensenhament de nòstra lenga.
Es que la descreissènça budgetària jugarà còntra lei projècts d’espandiment de la lenga d’òc dins lei Bocas-dau-Ròse ?
Chasque an l’Estat abaissa sei dotaciens ai collectivitats. Per lo CD13 aquò vòu dire 20% de mens. Mai gràcia a la volontat de la presidenta Martine Vassal, lo budget de ma delegacien serà mantengut au mume nivèu. Dirai tanben que volèm assoplir lei condiciens dei pichoneis associaciens que vòlon trobar una ajuda, en particulier per investiment. Serà plus necite de’n obtenir una d’una autra collectivitat per aquò. Tant per Sabine Bernasconi, l’elegida delegada a la Cultura coma per ieu, es un ponch important, bòrd qu’afavorisarà leis associaciens modèstas.
Leis aparaires de la lenga d’òc son, ailàs, tant afogats coma desunits. Ieu siáu comptable d’aquela riquessa plurala, e espèri que totei comprengan que chascun deu poder s’exprimir. Mon dever, mon ròtle, ma plaça, es d’èstre, pertot, testimoniaire d’aquela diversitat. L’important es de poder transmetre la lenga que que siegue sa grafia. Am’aquò vòli dire mon oposicien a la Reforma dei Colègis, grèva per l’ensenhament de nòstra lenga.
Es que la descreissènça budgetària jugarà còntra lei projècts d’espandiment de la lenga d’òc dins lei Bocas-dau-Ròse ?
Chasque an l’Estat abaissa sei dotaciens ai collectivitats. Per lo CD13 aquò vòu dire 20% de mens. Mai gràcia a la volontat de la presidenta Martine Vassal, lo budget de ma delegacien serà mantengut au mume nivèu. Dirai tanben que volèm assoplir lei condiciens dei pichoneis associaciens que vòlon trobar una ajuda, en particulier per investiment. Serà plus necite de’n obtenir una d’una autra collectivitat per aquò. Tant per Sabine Bernasconi, l’elegida delegada a la Cultura coma per ieu, es un ponch important, bòrd qu’afavorisarà leis associaciens modèstas.
Vous pouvez aussi désormais écouter certains articles !
