Aran : Mirèia Boya acusada de Rebellien

Deputada CUP (anti-capitalistas) de la Vath d’Aran, lo país occitan de Catalonha, entre 2015 e fin qu’au 21 de decembre passat, Mirèia Boya s’èra implicada dins lo referendom dau premier d’octòbre passat au sieu. Coma la policia empachava la votacion a l’escòla publica, aviá convidat leis elegeires a votar dins son ostau.
 
Ne’n fau pas mai dins l’Espanha pòst-franquista, per èstre acusat de « rebellion », una acusacion que pòu vos menar en preson per trenta ans. La muma que li manten a l’ora d’ara tres deputats catalans e lo president de l’Assemblea Nacionala Catalana. La rebellion implica la violència, mai lei jutges espanhòus se’n garçan dau pacifisme dei republicans catalans.
 
Lo jutge Pablo Llarena, dau Tribunau Suprem, adonc a convocat l’ex deputada occitana per lo 14 de febrier.
 
Puei d’autrei bailèssas de la CUP seguiràn, coma la Ana Gabriel, de Lleida, mesa en examen per la muma acusacien.
 
Un manifest de sosten es a mand d’èstre publicat per aparar Mirèia Boya, l’iniciativa de « ciutadans de l’Unien Europenca ».  Lo monde pòu lo signar. Escriure a acc.culturoc@gmail.com   e en mume temps a aquodaqui@aquodaqui.info , perqué nosautres seguirem l’afaire, que farà lo subject d’un article de nòstre confraire Lo Jornalet.