A-n-Arle d’atour culturau sènso ilusioun entre FN e LR

Aquéu 6 de decèmbre, 51,68 % d'eleitour arlaten soun ana vouta. Dintre li voues, i avié uno causido significativo pèr la senèstro representado pèr lou PS.

Mai fin-finalo, ges de triangulàri poussiblo, lou PS s'estènt leva au proufié di Republican.
 
«Auriéu fa coume Cristòu Castaner. I a mau-grat tout uno diferènci foundamentalo entre un elegi de drecho e dóu FN. Fau qu'acò passe, ço qu’es pas simple» declaro Marìo-Jousè Justamond, direitritz di Suds à-n-Arles.
 
Au countràri, l'istourian Felipe Rigaud estimo qu' «èro pas uno bono idèio», bord qu'acò escracho lou «contro-poudé, l'óupousicioun».

A-n-Arle, fasèn fàci à-n-uno situacioun particuliero que l'assènci d'alternativo à senèstro poudrié gila lou vote de si simpatisant, lou vote blanc e lis astenciounisto dóu tour proumié. 
 
Coulèro, pòu, distànci, silènci... Pèr lis assouciacioun souciou-culturalo artalenco, eisisto un enjò groussàs en rasoun de soun independènci, à mai d'un nivèu, i couleitivita territourialo.

 

Li vaqui partejado entre lou besoun de se teisa e l'envejo de crida.
 
Quau dira «preferisse resta discret», quau dira «se deman troubave un mejan d'autou-finançamen sènso passa pèr de subvencioun, n'en sariéu countènt», tóuti pamens d’un biais anonime.
 
E pièi, coumo Marìo-Jousè Justamond, d'ùni penson «à-n-uno vido vidanto que vendra mai pesugo pèr un mouloun de mounde, emé de counsequènci que noun faran qu'empieja la situacioun de la regioun».

A l'ouro d’aro li dous partit LR e FN se foundon sus la segurita coumo tèmo centrau dis eleicioun, particulieramen emfati despièi lis atentat.
 
Queto plaço demourara pèr la culturo dins si dimensioun loucalo, internaciounalo, soucialo e touristico, dins uno pichoto vilo d'art e d'istòri coume Arle ?
 
«I a pas d'ilusion de se faire. Se dèu vèire quétis acioun, quétis óurientacioun van favourisa. Crese pas que la drecho aura uno poulitico culturalo» supauso, amar, Felipe Rigaud.
 
Se trato pas souncamen de susside alouga à la culturo.

Mai se parlo tambèn d'uno dinamico que se pòu chanja, èstre afetado pèr uno poulitico que levarié l'essenciau dóu vidant de la poupulacioun prouvençalo : duberturo e culturo, coumo en un soulet mot.

Quet impate, adounc, pèr l'acioun culturalo em'uno presidènci LR o FN ? 

«Es forço coumplèisse de vèire. De qué fasèn ? N'en sabe rèn, n'en sian pancaro aqui, mai faudra reflechi de biais eficace e acò emplicara de tout biais uno situacioun doulourouso, que sian à l'óupausa de sis óupinioun» counstato Marìo-Jousè Justamond.
 
Touto-fes, pèr elo, li Suds soun pas tant amenaça pèr la futuro presidènci.

Parié pèr uno autro manifestacioun arlatenco, que lou presidènt, anonime, dis «queto que sié la majourita elegido, chanjaren pas sus lou countengu, lou boulegaren pas».
 
«Siéu proun pessimisto» afirmo Felipe Rigaud à prepaus d’uno nouvello presidènci, que que siegue .

«I a uno tensioun groussasso... acò sara pas eisa» souspiro uno voues anounimo.
 
Bechiga pèr de poulitico de segurita, drecho e drecha estrèmo s'interesson pas à la poulitico culturalo e a la duberturo tout d’un cop, que devon faire liame dintre li Prouvençaus.