A la Val Varacha (Itàlia) un musèu d'estade per las tradicions occitanas

L'estade entier lo musèu de La Chanal (comuna de Pònt e La Chanal, italianizat en Pontechianale) presenta una mòstra sus l'abitat de las Valadas occitanas d’Itàlia e lo biais de bastir tradicional fins als ans dal 1940.
 
Dins aquela borjaa de la Val Varacha, es la volentat associativa qu’a creat aquel centre de partatge dal trubalh etnografic dins las Valadas. Ailí, encara de desenas de miliers d’abitants parlan la lenga occitana cada jorn. Mas es ren ensenhaa a mai l’environament i sia favorable. Un comitat rechampa lhi vestits tradicionals que li son donats, e lo monde que participa a la venda a l' enquant  de la Fèsta de Sant Laurenç finalament paia lo budgèt dal musèu. Un afaire de tuchi. 
 
Dubèrt de junh jusqu’a setembre, lo musèu es montat a la fin de la prima per èstre demontat al principi de l’auton. E tuchi lhi estades prepausa ansin un tèma. En 2018 èra lana e chanebe .  
 
En 2018, a recebut un fons important de l’associacion Valados Ousitanos, que boja despuèi las annadas 1970, abo entre autres, una bòna part de la bibliotèca de Francés Fontan, lo pensaire de l’Etnisme e fondator dal Partit de la Nacion occitana e particularament dal Moviment autonomista occitan en las valadas, retirat d’aquel costat de las Alps, a Fraisse (italianizat en Fraissino), ont defuntèt en lo 1979. 
 

A aquela entitat única de las valadas, lo musèu de La Chanal  i polètz organizar vòstra vengüa aicí.


gramaci a Caterina Ramonda per lei lutz sus aquela iniciativa, e a Laurenç Revèst per l'adaptacien dialectala.