Avián suportat lei cuòus dei suportaires de l’OM

Que de pèças « collectors » que se perdon a jamai ! Vosautres qu’avètz usat vòstrei braias sus aquelei sètis de l’Estadi Velodròme marselhés, podètz ara plorar, que seràn fonduts a Solamat & Spur, una usina de reciclatge e destrussiment de residús dangeirós de Ronhac (13), ont Aquò d’Aquí leis a retrobats en exclusivitat per una darriera fòto.

Premier seràn enfrominats , puei netejats am’una solucien aigada, enfin secats puei cremats dins un incinerador especiau.

Coma aquò dètz mila sètis de l’Olimpique de Marselha son pauc a chapauc mandats a Solamat, e, segur, dins lo meme temps, remplaçats dins l’estadi per d’autrei tant blus e blancs coma lei vièlhs.