partager
“Cen que porrii conselhar au monde que si voàlon endralhar dins un projècte d’escòla bilingüa es d’èstre ben atentius à la sieu comunicacion, per toi, lu parents coma li autoritats”.
Es que son li familhas que si vendràn faire marcar, e se non an la confiança, lo projècte non serà una capitada, nen di Fanny Cammas, maire de quatre enfants qu’un acaba lo sieu temps à l’escòla dei Portegaliers que ja Fanny a portat en 2013.
Ma aver l’aurelha de la Comuna ajuda vertadierament foarça. À pròva aquela de Niça mena lo sieu segond projècte e deuria durbir à la rintrada 2020, l’escòla Fuont Cauda comencerà per aculhir una vintena d’enfants en classas mairali, e à Calenas
l’ajonch niçard J-Marc Giaume a signat una convencion embé l’Acadèmia per aquò.
La proporcion d’escòlas bilingüi à Niça es segur tota pichona, e pura sensa egala en Provença Aups e Coasta d’Azur, dont Marselha non n’a e li Bocas de Ròse tres, ma dins un contèxte ben diferent : dins lo 13 l’escòla adòpta lo projècte, à Niça, l’escòla foara sector mesclerà abitants dau quartier e parents que n’an fach la causida. “Lo premier projècte nen moastra que per l’essenciau es lo monde dau quartier, una briga alargat, que si vèn marcar” contunha Fanny Cammas.
E de projectes de Calandretas
En Provença vaquí aüra un projècte de Calandreta qu’apareisse à Vaureàs, dins Vauclusa Nòrd, e encara à Niça tempta de crebar l’òu
un segond projècte de Calandreta.
Se atraire lu parents es essenciau, doncas m’un projècte pedagogic segur, e mai que tot la certitud que l’escòla aurà locau e professors formats, lu afogats
, militants coma Fanny Cammas, dévon finda èstre dapertot : “lo consèu academic de la lenga regionala au noastre pilha de decisions, alora cau si tenir au corrent e saupre cen que cau quora cau”, en particulier non caurà esitar à contactar lu sieus elegits, elu porràn desblocar de situacions...À Niça l’an fach, e en abriu florísson dins la vila lu panèus municipaus per avisar lo monde de si faire marcar à l’escòla dei Portegaliers.
Votre abonnement à cette revue indépendante nous permettra de développer notre travail d'information d'actualité dans un média qui aide les locuteurs et les apprenants à garder un contact avec la langue d'oc, ou à progresser dans sa connaissance et sa pratique.
L'occitan ... jamais en dehors du lycée ?