Tres libres classics de la literatura mondiala en occitan

Lo cas estranh del doctor Jekyll e sénher Hyde, de Louis Stevenson, aquí traduch per Pèire Beziat. Rementam que lo metge, un òme suave se fa un semblant mai que pervèrs. Son amic lo notàri comença de contar aquela istòria, qu’es son enquista… l’òbra es ben conéissuda, la vaquí enfin de legir en occitan.
 
13,95€

La Man d’Urlica  de Ramonda Tricoire es traduch per Sèrgi Viaule. Clau totes los ingredients del roman d’aventura, aquel roman preistoric, amb los rebombiments necessaris per manténer lo lector lo nas sus las paginas. Aquò fa d’aqueste roman, pr’aquò publicat lo primièr còp fa ara mai de seissanta ans, una òbra qu’a pas ges vielhit. L’òbra nos remembra que los sentiments umans an pas d’edat, son universals e intemporals. Se rescontre dins aqueste libre la reconstitucion romançada de la vida d’una tribú als tempses paleolitics. Es un pauc la cronica d’un clan amb sas batèstas de poders, sas frustracions amorosas e sas violéncias intestinas. Mas se i tròba tanben los sentiments que permetèron a l’umanitat d’evolucionar, coma per exemple lo de la solidaritat e de la compassion. Dins una pontanada ont los perilhs de tota mena gralhavan a cada instant, las mesentendudas podián menar un grope a sa pèrdia. D’aquí la necessària saviesa de qualqu’unes per assegurar la patz e lo bonaür de totes. De totjorn l’union faguèt la fòrça. D’ont mai quand una tribú-nacion se deu parar d’agressions exterioras. Res de nòu jol solelh desempuèi la naissença de l’umanitat
18,50€

Las trentanòu grasas, de John Buchan, traduch per Pèire Beziat. Quau conéis pas lo filme qu’en aviá trach Hitchcock ?  Richard Hannay s’embèstia a Londres e lo rescontre amb un agent secrèt li va cambiar la vida. Acabada la desobrança ! Perseguit coma murtrièr per la polícia e coma dangièr pels espions estrangièrs, li demòra sonque qualques jorns per salvar la patria. La caça comença... Un dels primièrs romans d’espionatge amb tota la plega que va amassa : eròi barrutlaire, desin formacion, guèrra psicologica, espions, complòt internacional, còdi secrèt, perseguidas, cortalen, luchas, desguisaments, tot i es — enfin, per l’epòca —, sens doblidar una brava part d’umor. Lo roman foguèt adaptat al cinema en 1935 per Alfred Hitchcock.
 
18,50€

www.editions-des-regionalismes.org  et mailto:prng.editions@free.fr  pour tout renseignement et commandes.