Aquò d'Aqui

Journée historique pour les langues régionales

La loi dite Molac donnera des droits à l'enseignement des langues minoritaires en France, enfin ! ça ne s'est pas fait tout seul.

Bien des lecteurs d'Aquò d'Aquí ont été surpris, le 8 avril, du vote écrasant des députés en faveur de la loi de Protection des langues régionales, avancées par le groupe parlementaire Libertés et Territoires. Pourtant une observation un peu fine des évènements qui ont conduits à cette issue aurait rassurée plus d'un.

















            partager partager

Tatou e Blu que promenon


Les deux compères laissent Moussu T et Massillia Sound System au repos, et font la tournée des bars et lieux intimes pour faire écouter un répertoire qui l’est tout autant. On est allé entendre comme ça fait du bien, à l’Intermédiaire (Marseille), le 28 février.



Guitare, voix, émotion en ballade (photo MN)
Guitare, voix, émotion en ballade (photo MN)
Fau encambar quauquei lònas que la chavana de la velha a laissat sus lo quitran , crebat e pedaçat quinge còps. De tubaires s’acampan a la pòrta, que fau passar per, de suieta, se trobar enviròutat d’òmes a casquetas ; puei avançar dins lo sorn e crosar de monde assetat au bar onte pluejan dos per dos lei gòts de bièrra. Lo chamatan dei conversaciens te fai deja una mena de musica, que ritma una joineta quand s’estraça dau rire. Vaquí lo trefons d’aqueu corredor ai muralhas cubertas de dessenhs. « Perdon ! » « excusatz ! » fau èstre sople per passar jusqu’ai pofs onte s’amolonan aquelei que son venguts d’avança, per veire e escotar Blu e Tatou.
 
Lei dos collègas se son escapats de sei còlas abitualas, Lo Massilia Sound System e Moussu T e lei Jovents, per se pagar aquela escapada a l’Intermédiaire, la beguda marselhesa de la Plana. 

Planplanejan ‘mé l’intime

Aquí « Tatou et Blu en ballade » endraian son escorreguda musicala. Faràn entendre coma aquò, entre guitarra e vòtz, pas mai, son repertòri lo mai intime. Planplanejaràn. Tatou prendrà lo temps d’una explica avans la cançon, Blu farà pas montar lei decibels, au contràri, mai jugarà son blues de tria.
 
Tatou entamena « Sus l’Autura ». Nos vèn dejà de 2007 aqueu tròç, mai jamai siguèt tant d’actualitat : « lo vent si garça dei frontièras / ti fau viatjar ‘mé son trin », que l’i parla dei barcas de clandestins.
 
Puei lei morsèus s’encandenan a de reng , de novèlei bièrras arriban, la barmaid es en aia , quauqueis uns se quitan la casqueta, e ieu espèri « La nuech de mon astre », que cantarà un autre còp.
 
Lo public l’entendrà benlèu lo 5 de març a La Cieutat, au bar La Renaissance per 19h30. Puei, a Sant-Cerí lo 11, es lo grope Moussu T e lei Jovents que jugarà per l’associacien Un soir au pavillon. Senon, faudrà anar ailalin , a Tolosa sus La péniche les marins d’eau douce lo 25, o l’endeman a Serres (Auda) a La Claranda.
 
Mai pertot, faudrà sacher apreciar aquelei moments mai retenguts, onte chifrar se pòu conjugar ‘mé cantar. Serà bèn temps de retrobar la vòlha d’ensems mai consacrats a bolegar sus scèna, e a l’i metre lo fuec. 
3896_tatou_et_blu_dans__sus_l_autura___entendu_du_bar.mp3 3896_Tatou_et_Blu_dans__Sus_l_autura___entendu_du_bar.mp3  (5.01 Mo)


« Navega » resta encara au pòrt

Pendant que les artistes se préparent (photo MN)
Pendant que les artistes se préparent (photo MN)
Per esperar lo CD venènt de Moussu T, au revenge, faudrà de paciéncia. « Navega » èra estat enregistrat au Pòrt de Boc fai quauquei temps, mai lo disc l’aurem que per l’autona. Per lo moment passa après lo grand juec dei capitalistas que se manjan leis uns leis autres.
 
Harmonia Mundi, despuei la mòrt de son creator Bernard Coutaz en 2010, èra a vendre. Es lo Bèlga PIAS que l’a crompada en octòbre passat, la companhia arlatenca. Mai lo novèu grop internacionau a decidit de plus sortir de noveutats per Le Chant du Monde, son label dedicat ai musicas trad de creacien. Ne’n prepausarà plus que lo catalòg. Justament es am’aqueu que deviá èstre produch lo CD de Moussu T.  Lo temps que li tròban una solucien, leis enregistraments rèstan au frigò, que de’n parlar nos fariá venir l’aiga en boca…
 
Alòr, profiechar dei passejadas de Tatou e Blu ajudarà bèn a esperar. Una autra bièrra ?...

Lundi 29 Février 2016
Michel Neumuller





1.Posté par Manue le 03/03/2016 10:16
Attention, à Sant Ceri le 11 mars prochain sera joué le spectacle de l'Opérette (avec le groupe au grand complet) et non celui de Moussu T et Blu "en Ballade" !
vendredi 11 mars St Cyr sur Mer (83) Un soir au Pavillon 13€ +2€ d'adhésion à l'association "Un soir au Pavillon" https://www.facebook.com/events/973125306102227/

Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Dison que...

Jornalet cerca lo mejan de contuniar

Le journal occitan en ligne vend désormais des livres et reçoit des dons sur son site web

BARCELONA. Dans l’écosystème médiatique occitan, il y a bien peu de journaux d’actualité sociétale. Les maintenir relève du tour de force, et Jornalet, à Barcelona, propose à ses visiteurs d’acheter dans sa boutique en ligne pour tenir le coup. Laissons la parole au créateur et cheville ouvrière du Jornalet, Ferriol Macip Bonet.

Ferriol Macip Bonet, fondateur du Jornalet, qui fait un appel à dons et met en place la vente en ligne de livres en occitan (photo MN)

Jornalet se finança mai que mai amb la collaboracion de sos legeires. Nasquèt en març de 2012 gràcias a la generositat de dos mecènas que cresián al projècte, e tanben gràcias la publicitat institucionala de tres collectivitats importantas. Quant Jornalet nasquèt aviam previst qu’auriam pro de ressorsas publicitàrias, gràcias a la difusion del quotidian numeric. Mas, d’un latz, Google Ads acceptèt pas de publicar d’anóncias car son traductor automatic compren pas l’occitan.

 

 




Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.