Sur le bout des langues ara endavant serà pagant

Après d'ans de bòns e leiaus servicis a gratis, Michel Feltin-Palas ne’n fa la crida vuei amé sa letra setmanièra : son jornau L’Express fa passar sa letra « Sur le bout des langues » an un biais pagant. Sabèm ce que vòu dire quora fa passar l’argumentari de son jornau : « l’informacion a pas de prètz mai a un cost ».

Maugrat tot fau vèire que l’abonament serà pas carivent : 3€ per mes, es a dire 36€ per l’an.

Chasque setmana L’Express provesís una letra en francés per illustrar la defensa dei lengas e sa diversitat, francés compres.

L'argumentari ditz que  « fau insistir sus un ponch, aquela letra, per son engatjament editoriau en favor de la diversitat culturala, es unica en França ».

Pasmens pas tant unica; lo jornau de Provença e Lengadòc La Marseillaise, provesís, ela, e sensa va cridar pron, una pagina chasque divèndres, tota en occitan, segur amb una còla pas tant professionala, mai valenta.

Òc ! Vau la pena de sostenir lo trabalh de Michel Feltin-Palas a L’Express… mai òc tanben ! Vau la pena de sostenir lo trabalh dau jornau de gaucha provençau que prepausa son Mesclum despuei lo començament deis annadas 1990.