partager
Une réunion d'ensemble pour relancer l'initiation à la langue d'oc dans les écoles (photo DR DR)
Dimècres 16 de desèmbre s’est tengut un acamp dins una deis escòlas de La Cieutat. Era a l’iniciativa de Michel Jean, ispeitor de l’educacion nacionala de la circoscripcion de La Cieutat e de Mirèlha Benedetti, ajoncha de la comuna per leis afaires escolaris.
Ié èran convidats tot plen de monde : lei conselhers pedagogics, leis intervenènts de la Vila en carga dau projet educatieu et de la vida pedagogica, l'associacion "Les Amis de la Bastide Marin", la Mission Langue régionale de l’ispeicion academica, lo burèu e lei membres locaus de l’Aeloc amé leis ensignaires volontaris. Totei èran eilà per bandir lo novèu projet de 2018 denomat « Rencontres scolaires de langue et culture provençales ».
Fau rapelar qu’aquò sarà la contunhacion de l’acion iniciada l’an passat dins l’encastre deis ativitats peri-escolaris. Am’aqueu, de membres d’associacions culturalas localas e d’aderènts de l’Aeloc an tengut lo ròle de personas-ressorsas per leis escolans e leis animators comunaus.
Mai per 2018, l’animacion sarà la tòca dei professors deis escòlas qu’an adejà un pauc chifrat sus seis tèmas que son fòrça divèrs : poesía, scenetas de tiatre, cançons, danças, racòntes, toponimía, fèstas tradicionalas, jòcs e espòrts locaus…
Dòna Benedetti afortís amé convicion : « Aqueste projet se fonda sus l’enavans coleitieu de diferènts partenaris. Aquò se dis co-educacion e non s’agís d’una invencion de l'esperit, se conjuga au quotidian per la reüssita de nòsteis enfants. Sieu una elegida urosa dins ma mission. Un granmercé en totei ! »
De son costat, Monsur Jean, l’IEN, tenguèt a solinhar la necessitat d’una ligason amé l’ensignament segondari per la contunhacion dau trabalh ansin entreprés e amé lei parènts deis escolans per garantir sa reüssita.
D’alhors, au mes de junh venènt se tendrà « La Chaudronnerie », dins lo tiatre novèu de La Cieutat. Es una restitucion festiva d’aquela acion. E en mai d’aquò la segonda edicion de Festaquí, lo festenau dei lengas romanas qu’a fach flòri en junh passat, se debanarà a la Bastida Marin dins la seguida inmediata.
Ié èran convidats tot plen de monde : lei conselhers pedagogics, leis intervenènts de la Vila en carga dau projet educatieu et de la vida pedagogica, l'associacion "Les Amis de la Bastide Marin", la Mission Langue régionale de l’ispeicion academica, lo burèu e lei membres locaus de l’Aeloc amé leis ensignaires volontaris. Totei èran eilà per bandir lo novèu projet de 2018 denomat « Rencontres scolaires de langue et culture provençales ».
Fau rapelar qu’aquò sarà la contunhacion de l’acion iniciada l’an passat dins l’encastre deis ativitats peri-escolaris. Am’aqueu, de membres d’associacions culturalas localas e d’aderènts de l’Aeloc an tengut lo ròle de personas-ressorsas per leis escolans e leis animators comunaus.
Mai per 2018, l’animacion sarà la tòca dei professors deis escòlas qu’an adejà un pauc chifrat sus seis tèmas que son fòrça divèrs : poesía, scenetas de tiatre, cançons, danças, racòntes, toponimía, fèstas tradicionalas, jòcs e espòrts locaus…
Dòna Benedetti afortís amé convicion : « Aqueste projet se fonda sus l’enavans coleitieu de diferènts partenaris. Aquò se dis co-educacion e non s’agís d’una invencion de l'esperit, se conjuga au quotidian per la reüssita de nòsteis enfants. Sieu una elegida urosa dins ma mission. Un granmercé en totei ! »
De son costat, Monsur Jean, l’IEN, tenguèt a solinhar la necessitat d’una ligason amé l’ensignament segondari per la contunhacion dau trabalh ansin entreprés e amé lei parènts deis escolans per garantir sa reüssita.
D’alhors, au mes de junh venènt se tendrà « La Chaudronnerie », dins lo tiatre novèu de La Cieutat. Es una restitucion festiva d’aquela acion. E en mai d’aquò la segonda edicion de Festaquí, lo festenau dei lengas romanas qu’a fach flòri en junh passat, se debanarà a la Bastida Marin dins la seguida inmediata.
Quasi uech cents personas an un lòtò per sostar una calandreta
