Moussu T navega fins qu’ais Embiers

Moussu T e lei Jovents jugaràn a l’Illa deis Embiers dissabte 9 de julhet, per l’aniversari de l’Institut Oceanografic, finançat per Pau Ricard tre 1966 amé lo professor Alan Bombard. Benlèu que l’i serà possible d’entendre quauquei cançons de l’albom que prepara la còla de Tatou e Blu.

« Navega » es promés per la fin de setembre, publicat per World Village / Pias. Sabèm que s’agirà d’un libre-disc de 48 paginas, amé onge cançons e d’illustraciens de Tatou e de Blu.

Puei lo grop se farà entendre a Fuvèu lo sege de julhet, avans que de montar sus lo pontin a Entraigas sus Sòrga lo diluns premier d’avost.