partager
Fòrça monde representatius prenguèron la paraula davant Ràdio France Bleu Occitanie, a Tolosa dimècres 22 de març, per establir l’estat dels luòcs de la difusion actuala e las demandas per melhorar la preséncia de la lenga nòstra a l’antena.
Lo Collectiu Occitan l’i èra, amb l’Institut d’Estudis Occitans OPM, l’IEO 31, Convergéncia occitana, País Nòstre, Partit Occitan, Partit de la Nacion Occitana, EELV, Bastir Occitània, Macarèl, e Jean-Michel Lattes, un elegit a la Comuna de Tolosa.
Per lo tresen còp lo Collectiu Occitan manifesta davant las Ràdios e Televisions regionalas publicas per i demandar mai d’occitan a l’antena. E avisan que d’autras accions son a son agenda per contunhar sa campanha « l’occitan cada jorn a la ràdio e a la television publica ».
Bernat Moulin, l’homme discret et le lexicographe qui a marqué le regain du provençal
