Aquò d'Aqui








Vau mielhs èstre Parisenc...

SENANQUE. Menacée d'écroulement l'emblématique cistercienne du Vaucluse, malgré sa notoriété, ne recueille pas en un an, le trois centième de l'argent que Notre Dame de Paris a recueilli en 24 heures.

Vos ne'n rementatz ? En un jorn, fa pauc, lei grandei entrepresas an promes mai d'un miliard d'€uròs per un monument parisenc emblematic.

En Provença, fa un an que la Glèisa assaja de trobar tres cents còps mens, e lei mecenas, l'i vesem pas.

Fau èstre Parisenc.







            partager partager

Lei profs de lenga d'òc sostenguts per lo Forum d'Oc


AIX-EN-PROVENCE. Les enseignants de langue d'oc manifestent avec leurs collègues à l'appel de tous les syndicats, le 20 mars à Aix, devant le Rectorat. Le Forum d'Oc les soutient. C'est une première pour cette réunion des associations de mainteneurs provençaux.



Ja lo 17 de fébrier lei professors de lenga d'òc s'èran acampats dins la carrièra amé de reüssidas (photo XDR)
Ja lo 17 de fébrier lei professors de lenga d'òc s'èran acampats dins la carrièra amé de reüssidas (photo XDR)
"Es fantastic, simplament fantastic, que se mobilisam. A Tolosa èra ben organisat, ja sabem que son solidaris. Mai en Provença, eriam pas acostumats a s'acampar per luchar" que ditz lo professor, un dei dètz-e-uech Provençaus que manifestan per sauvar lei cors de lenga d'òc ai licèus. 

Sus vintacinc qu'ensenhan provençau o aupenc d'òc dins l'Acadèmia d'Ais-Marselha es inedit jusqu'ara. "Benlèu perqué aqueu de còp siam amenaçats de desparicion, pas mens!".


Adonc aqueu monde s'encrocarà a l'acampada intersindicala prevista a s'Ais lo dimècres 20 de març dins l'après-dinnada. Lo monde protestarà còntra la Reforma dei Licèus, enregada per lei sindicats de l'ensenhament, d'un biais generau còntra la reforma.

Es un jorn particulier, bòrd que l' Acadèmia discuta et tria lo lendeman lei mejans dei licèus.

Lei professors d'occitan l'i beneficiaràn dau sosten d'associacions de defensa de la lenga, acampadas elei tanben dins lo Forum d'Oc. Aquela "associacion d'associacions" fa mestier d'ajudar totei leis entitats publicas o privadas que vòlon faire intrar lo provençau, o lo niçard, dins la vida de sa collectivitat o de son entrepressa. 

"Demandam a totei lei sòcis de nòstreis associacions de l'i anar per afortir l'acampada" nos ditz Guiu Revest, lo president dau Forum d'Oc, qu'es a prepara una crida amé totei sei rasons.

"Una particularitat d'aquel acamp es qu'es unitàri, totei lei sindicats l'i seràn, adonc avèm pas a chausir, e aquò nos agrada" per pas se mesclar dau debat sindicau.

Deurián de tot biais adurre de monde benvengut aparaire a l'acamp d'ensenhaires, e li donar una dimencion mai ampla.

 

Lei profs de lenga d'òc sostenguts per lo Forum d'Oc

Mercredi 6 Mars 2019
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Votre nouvel Aquò d'Aqui d'été
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.