Lei belòias de la Castafiòra e l’Observatòri per 2017

Lo Collectif Prouvenço comença de poder pagar lei projècts que subvenciona amé generositat la Region Paca.

Divèndres 27 au moment de presentar sei vòts de bòna annada a Casteureinard amé son cònce LR Bernard Reynès, la còla infra provençalista desvelerà l’albom de Tintin que ne'n a laissats lei drechs l’editor Dargaud.

Après « Li sèt boulo de cristau » e « Lou tèmple dóu soulèu » ja traduits fa detz ans, vaquí Li beloio de la Castafioro.

E, ben segur, la carta de vòts anoncia l’Observatòri de la Lenga Provençala, vòugut par aqueu Collectiu, e que la Region ne’n a votat lo 16 decembre lei 496 000 € necessaris,a la comuna de Chivau Blanc.