Soutenez Aquò d'Aquí

Durer! Pour vous assurer cette information d'actualité dans notre langue malmenée, garder solide le fil qui nous relie à la génération montante, que nous ne voulons pas acculturée. C'est le sens de nos appels au soutien, chers lecteurs.


Nous ne sommes pas optimistes.

Vous le voyez, nous vivons dans un monde de plus en plus univoque. Une seule parole politique, une seule solution, une seule voie...Les alternatives en politique se racornissent. La pensée unique est ultralibérale et franco-française.

Quelle place pour nos langues régionales dans ce retrécissement de la pensée, du futur?


 
Soutenez Aquò d'Aquí






            partager partager

Lei Dictadas an acampat de monde de Niça a Nimes


NICE. Plusieurs centaines de participants en Provence Alpes Cote d’Azur ont pris part à l’évènement, dont c’était la seizième édition.



Une affaire sérieuse, la dictada niçoise de l'IEO (photo MN)
Une affaire sérieuse, la dictada niçoise de l'IEO (photo MN)
Se ditz qu’èron 3000 aperaquí dins quaranta vilas occitanas e mai a Barcelona e a Paris, lei sòcis de la Dictada. Aquel eveniment màger de la vida culturala d’òc es premier un espacejament, e raras son lei « dictadas » sensa animacien, onte se dança pas, se tira pas lei Rèis, se dona pas un concèrt.
 
« Es un moment onte se retrobar pèr un temps que lo seriós de la vida occitanista lo parteja amé la vòlha deis afogats e l’enveja de bèn s’amusar ensems » que ditz Joan-Pèire Baquié, lo president de l’Institut d’Estudis Occitans deis Aups Maritimas.
 
Valeria Rosso, una comptabla qu’èra venguda amé son fiu, a legit pauc a cha pauc son pròpre tèxte, publicat fa pauc dins un recuelh editat per l’IEO 06 : Ribon Ribanha.

Doas dictadas a Niça

D’un costat dei taulas dau CAL Bòn Viatge, que recebe la còla de l’IEO, una chorma galòia de dictaires talona, entre chasca vergueta, chasca frasa. De l’autre caire, lei joines se son acampats.
 
Un còp lei correccions fachas, Fabian còmpta lei barras, una per error…  « N’i a un pauc tròp… » que comenta. Carlòta, la secretària de l’IEO, confessa que s’èra entraïnada au sieu. Lo resultat es a l’ autor  de seis esfòrçs, a fa pauc de decas.

Embé de musica

Puei, lei taulas seràn butadas dins un recanton, lei cadieras son arengueiradas e Jan Novè Mabelly, lo cantaire, desplega la tiera de seis instruments : petador, guitarra, galobet-tamborin…e comença una ora de musica e de galejadas que s’acabaràn amé la «  còca dei Reis » qu’es partejada puei.
 
Niça a una particularitat dins l’univèrs dei dictadas : n’i a doas, una bailejada per l’IEO, e una autra per lo CCòC Païs Nissart e Aupenc, qu’ela se debana au Trident, un locau de l’associacion Nissa per Tougiou. Au totau li aurà mai de seissanta personas per participar ai doas dictadas.
 
Son mai que d’un còp prepausadas dins lei doas grafias de l’occitan, coma a Aurenja, ont èron quaranta per participar dins lo Licèu de l’Arc, a una dictada organisada per l’associacion Bèn Lèu. Es un tèxte de Matieu Poitavin qu’i es legit ; es professor d’occitan dins lo meme licèu.
A Carnoules (83) l'Ecole bilingue Ive Bramerie de Cuers était présente (photo Sandra Ros DR)
A Carnoules (83) l'Ecole bilingue Ive Bramerie de Cuers était présente (photo Sandra Ros DR)

Per milhorar son occitan, per s'amusar...e per ganhar

Per Any, estudianta que passa son annada universitària a estudiar l’occitan. Perque ven a la Dictada ? « Siáu naissuda aquí e en recèrca d’identitat, me siáu interessada a la lenga dau païs » que ditz. Erwann, eu, es un adolescent qu’a aprés la lenga dau temps qu’èra calandron, a la Calandreta d’Aurenja.  « Siáu aquí per me milhorar, pas per ganhar » dirà un autre calandron, Corentin. Empacha pas aquela dictada de faire ganhar una dimenchada a la montanha an aqueu qu’aurà fa lo mens d’errors !
 
« La quatorzenca dictada de Nimes, au collègi  Revolucion, se durbiguèt sus una sala comola de monde vengut d’un pauc de pertot”, nos escriu Viviana Roux :  “dei talhiers de la Placeta, de Gamèl, dau Cadref e de Milhau, e encara de Sant Gervasi… e de monde de tot atge, de 8 a 80 ans…”

Una escasença de s'accampar

La declinason gardenca de l’IEO, la Marpòc, l’organisa au Licèu Revolution.  «La dictada èra levada de “Bogres d’ases” de Aimat Sèrre, l’autor, un dei creators de la Marpòc emé Robert Lafònt, Jòrdi Gròs, Jòrdi Peladan … defuntèt fa vint ans e ara s’aprepara per eu un omenatge en Junh” nos ditz encara Viviana Roux.
 
A Setème coma a Mana o a Gap e Carnolas, mai que d’una dictada siguèt organisada en Provença, Aups et Còsta d’Azur.
 
Se, a Gap, la dictada prepausada diguèt «De matin, lo ser o au calabrun / M’en vau sovent onte l’i a degun », s’i son acampats justament per pas èstre solets lei sòcis de l’IEO. E li èron nombrós.
A Nïmes, la Marpoc avait attiré les jeunes (photo VR)
A Nïmes, la Marpoc avait attiré les jeunes (photo VR)

Aquò d'Aquí regracia l'IEO06 e en particular Carlòta Rubini, per l'ajuda benvenguda an aqueu reportatge.

Mardi 29 Janvier 2013
Michel Neumuller





1.Posté par BAQUIE le 30/01/2013 13:50
Vodrii encara aremerciar Michèl Neumuller per la sieu venguda a Niça e lo reportatge sus la nòstra dictada. Per aquelu que vodrian aver lo nòstre rendut-còmpte basta clicar sus lo liame : http://ieo06.free.fr/spip.php?article2422

Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Abonnez vous à Aquò d'Aquí avant d'avoir soif !

Dison que...

1851 : defendre la Republica en provençau

L’historien Renat Merle nous rappelle que la résistance au coup d’Etat du 2 décembre 1851, fut le fait de ruraux qui parlaient occitan. Les meilleurs défenseurs de la République française. Avis aux Républicains amnésiques de 2017.

1851 : defendre la Republica en provençau
A la fin de l’an 1848, un aventurier politic, Louis Napoléon Bonaparte, es estat elegit president de la Republica, amb lo prestigi de son nom e l’adesion de l’immense monde rurau, que portava seis esperanças de dignitat e de progrès.

Mais dins lei fachs, lo President bailejava la Republica dau partit de l’Òrdre, valent a dire la Republica conservatriça, aquela dei Gròs.
 


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.