L’antico Prouvènço à man de tóuti

Em’aquélis istòri de l’antiqueta Rolande Falleri aura bèn capita de manteni l’interès di legèire : nous fa proche aquéu mounde d’avans Jesus Crist en Prouvènço, emé sis idèio de pas e de counvivènci. Per lou mounde di coumençaire, legi cado nouvello es un plasé, bord que l’autouro, ajudado per soun ome istourian, i’a ajusta un poulit gloussari, em’un voucabulàri chanu.

N’en veici un pichot estra : “ li vilajan, atupi, alucon la ribiero sènso rèn coumprendre. Subre-tout se demandon ounte soun li siéu, veson li téulisso subroundado e l’aigo que lis empacho de travessa.” S’agis ben segur dóu relarg de Veisoun… mai à l’an pebre.

N’en parlaren mai dins l’Aquò d’Aquí de decèmbre.

Lou Pichot Elefant d’Evòri e àutri raconte de ma Prouvènço Antico – Rolande Falleri, ed. NonBre7, ill. 160p. 15€