La mitat presonièra

La statistique nous dit froidement la part émergée d'un quotidien d'entravées. La moitié féminine de la population n'est pas libre de ses mouvements.

Fa tot bèu just una setmana dimècres 17 d’abriu una joineta siguèt violada dins un trin regionau entre Ais e Marselha, dins un vagon onte li aviá d’autrei viatjaires. Sensa ren dire mai avans que l’enquista n’en digue mai, fau quand muma rementar que la tiera comença de pas s’acabar jamai.
 






            partager partager

Garric : Quora la musica trad lusís de modernitat


Le groupe Garric est fondé par Denis Galvier, issu de Coriandre et créateur des Trad'Hivernales. Aidé de trois autres musiciens depuis deux hivers (seul le bassiste changera de nom en cours de route), Denis voit son projet concrétisé par un premier album «Chercheurs d'Or / Cercaires d'Òc» disponible à partir du 25 mai.



Yannick Laurent, Marc Lemonnier, Vivian Peres et Denis Galvier pour une musique de "cercaires" (photo XDR)
Yannick Laurent, Marc Lemonnier, Vivian Peres et Denis Galvier pour une musique de "cercaires" (photo XDR)
Garric es nascut d'un projèct que se vòu alunchat de Coriandre, grop dins lo quau Danis Galvier s'es fach conéisser.

«Voliái far amb un son diferent de Coriandre amai se demòra dins una dralha coerenta, mas la desmarcha creativa es autra » explica lo fondator cantaire/saxofonista/flaütista.

Se tracta aquí de presentar de compausicions que lo Danis pausèt sei tèxtes sieus. «Es un besonh per ieu d'escriure de cants e d'o presentar al public».

E aquò se sentís pron, a l'escota dau CD. Lei cançons son en doas lengas (occitan-lengadocian e francés).

Aquí, la voetz sembla a l'onor, pron en avans. Non fai pas que servir l'estrumentau, que lei paraulas fan l'esséncia dei tròç.

Maugrat que siá pas de l'avejaire dau grop, qu'i vei puslèu un equilibre vertadier entre musica e tèxtes. Pasmens Garric, aicí, assaja de porgir una certana richessa de sòns mai tanben de plaçar la voetz coma lo mistrau dins la plana : impausenta e entestanta.

D'aperaquí, un vent de modernitat crea una fòrça novèla que sedús. Es-ti una convidacion a la dança ò ben un consèu de restar au sieu, près d'un fuòc e leis uelhs barrats ? Benlèu lei dos.

«La tòca èra de fargar un concèrt-balèti, ont totes los tròces son dançarèls, mas pòdon dintrar dins un torn de cant a escotar e agachar, amb soncament de tròces nòstres» afirma  lo Danis. 

Defòra lo folclòr...

Premier album
Premier album
Çò segur, es que i a quicòm de mai intime, mai pas mens universau dins aquel album. S'i ausís un mescladís de sòns que donan de prefondor a la musica de Garric.

L'album sembla evocar lo besonh de se liberar de l'univèrs occitan. D'efèch l'enjòc, quora se canta la lenga e se parla de la cultura d'Òc, es de poder se distanciar de la florissenta musica occitana per mielhs se diversificar e crear son identitat.

«Garric es noirit d'influenças, de sons, de problematicas de uèi e benlèu la nòstra musica es un biais de reinventar una tradicion, qu'una tradicion que bolega pas es mòrta» se carganha lo fondator.

Es dins aqueu contèxte qu'escriguèt «Es pas folcloric» qu'es un tròç màger dins l'album. «Es lo trobador vengut del fons de l’atge / Que branca son amplificator dins lo garatge  / Es pas folcloric» canta lo Danis.

Un biais de revendicar la necessitat de faire evoluir nòstei tradicions, nòsta lenga, sensa ne'n copar lei racinas. Coma l'aubre que demòra tancat dins la tèrra e que lei brancas creisson, viradas vèrs lo cèu, butassadas per lo vent.

Aquel aubre creis totjorn, se corba pas, se tomba pas : se dreiça.  Es eiçò, lo contrari dau folcloric ! 

... e benvenguda Cercaires d'Òc !

Coriandre, Hum, Rêve éveillé...chacun des musiciens de Garric participe aussi à d'autres aventures musicales (photo XDR)
Coriandre, Hum, Rêve éveillé...chacun des musiciens de Garric participe aussi à d'autres aventures musicales (photo XDR)
Adonc Garric, embé sei tèxtes que «parlan de la vida, dins una dralha poetica e eliptica», tend de partejar au monde de valors que s'oblidan de temps en temps.

Es per la cançon «Chercheurs d'Or / Cercaires d'Òc», eponima de l'album, que s'expremís lo mai lo rijèct d'una societat manjada per lo profiech, lo mesprés, la quista dei vanitats, en brèu, tot çò contrari a l'umanisme.

«Sèm dins un mond ont lo bling-bling, lo lusent, a pres una part maja dins nòstras vidas e es vengut una valor. Nosautres, mai que ''Chercheurs d'Or", nos volèm "Cercaires d'Òc", per metre en avant las valors umanas de convivéncia e de paratge».

Vaquí coma Danis Galvier nos escleira sus aqueu jòc de mòts. Tot i es resumit, que s'i rebat l'idèia generala dei tèmas abordats dins lei tèxtes.

«Es una cançon que volèm portar, que nos sembla prigonda e es aquela que demorarà» apond l'autor.

Embé de sonoritats trad, jazz, blues, rock, funk, varietat, reggae, etc, Garric manca pas d'esprovar una certana originalitat. Emai que lo CD Cercaires d'Òc a quicòm d'un pauc punk.

Segurament degut au ritme, mai tanben au biais de cantar. E en vautrei, Garric vos farà-ti bolegar ?
 
garric___es_pas_folcloric.mp3 Garric - Es pas folcloric.mp3  (3.72 Mo)


Mercredi 20 Mai 2015
Amy Cros




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Voici Aquò d'Aquí de mai
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.