La Ciutat de Castelana, dins Var Aut, amé lo Pargue Regionau dau Verdon e l’associacion Croqueurs de Pommes, se son aligats, ‘mé lo sosten de la Region, per prepausar, a Castelana, d’estagis per aprene l’ensèrt d’aubres, per poder reprodurre aquélei varietats.
Aquò se farà dins l’encastre d’un encaminament pròpri ai sèt Pargues Naturaus Regionaus de Provença : Sabers ecologics paisans, fachs per rendre mai facila la transmission de coneisséncias e de gaubi entre abitants dau terraire. Son a gratis. Basta de s’i faire marcar.