partager
Moins paisible à l'oreille que le nuage auquel ce Cirrus emprunte son nom (photo JM Lazare/Armée de l'Air DR)
« Aqueleis avions te fan un bocan pas possible ! » Es pas un abitant que romega còntra lo vòu d’aparelhs Cirrus SR22 subre lei còlas dau Liberon, mai ben Jan-Loís Joseph, lo president dau Pargue Naturau Regionau.
Aqueleis avions d’entraïnament de pilòtes e navigators serián essenciaus a la formacien dei pilòtes francés de combat.
« Sa venguda a Selon es lo debut de tota l’evolucien de la formacien iniciala » que disiá lo comandant Jeròni Taisant, capolier de l’instruccien en vòu, quand arribèt lo premier d’aqueleis avions a la Basa Aeriana 701, en avost 2012.
Mai se, alòr que l’Euròpa, de novèu, s’emperilhosa a l’Est, la formacien d’aquelei pilòtes sembla necessari, fa pas l’afaire dei toristas nimai dei 180 000 abitants dau Liberon.
« Son d’avions particularament brusents » qu’ajusta JL Joseph. « E au Pargue avèm dejà recebut mai de mila denóncias. » Nos ditz qu’es arribat de leis ausir volar cinq oras a-de-rèng.
« Una peticien es en circulacien, que donarem lo 22 de setembre au Generau Paulet, baile de la basa aeriana de Selon, amé lei premiers cònsols dei relargs lei mai pertocats ».
Aqueleis avions d’entraïnament de pilòtes e navigators serián essenciaus a la formacien dei pilòtes francés de combat.
« Sa venguda a Selon es lo debut de tota l’evolucien de la formacien iniciala » que disiá lo comandant Jeròni Taisant, capolier de l’instruccien en vòu, quand arribèt lo premier d’aqueleis avions a la Basa Aeriana 701, en avost 2012.
Mai se, alòr que l’Euròpa, de novèu, s’emperilhosa a l’Est, la formacien d’aquelei pilòtes sembla necessari, fa pas l’afaire dei toristas nimai dei 180 000 abitants dau Liberon.
« Son d’avions particularament brusents » qu’ajusta JL Joseph. « E au Pargue avèm dejà recebut mai de mila denóncias. » Nos ditz qu’es arribat de leis ausir volar cinq oras a-de-rèng.
« Una peticien es en circulacien, que donarem lo 22 de setembre au Generau Paulet, baile de la basa aeriana de Selon, amé lei premiers cònsols dei relargs lei mai pertocats ».
Marrits sovenirs
Es subre Vilalaura, la Tòrre d’Aigues e Rossilhon que leis avions d’entraïnament se fan lo mai entendre.
E ais abitants li ramentan lei marrits sovenirs dau temps que lei Tucanòs volavan sus sa tèsta.
Aqueleis autres avions d’escolans pilòtes s’assagèron au vòu ras dau sòu, venguts regularament de la basa sestiana, jusqu’à la fin dau sègle vint.
S’enanèron a Cognac quand barrèt sei pistas aquel aerodròme, au solatjament dau monde dei vilatges.
« Recebèm sièis miliens de visitaires l’an dins un Pargue naturau classat… zòna de silenci ! » sotalinha JL Joseph, que li fa paur lo plan de vòu militàri que s’alestís ara per l’estiu 2015.
Un plan d’entraïnament que, eu, deu tenir còmpte de la qualitat de la defensa dau territòri, pusleu que de la tranquillitat toristica en Liberon.
E ais abitants li ramentan lei marrits sovenirs dau temps que lei Tucanòs volavan sus sa tèsta.
Aqueleis autres avions d’escolans pilòtes s’assagèron au vòu ras dau sòu, venguts regularament de la basa sestiana, jusqu’à la fin dau sègle vint.
S’enanèron a Cognac quand barrèt sei pistas aquel aerodròme, au solatjament dau monde dei vilatges.
« Recebèm sièis miliens de visitaires l’an dins un Pargue naturau classat… zòna de silenci ! » sotalinha JL Joseph, que li fa paur lo plan de vòu militàri que s’alestís ara per l’estiu 2015.
Un plan d’entraïnament que, eu, deu tenir còmpte de la qualitat de la defensa dau territòri, pusleu que de la tranquillitat toristica en Liberon.
Ors e lop sus la grasilha
L'informacion de Provença Aups e Còsta d'Azur