A-z-Ais l’art contemporan sens estraç

Lo museu Granet a poscut recebre una partida de la colleccien Doris e Donald Fisher. D’acostuma seis òbras son expausadas au San Francisco Museon d’Art Modèrn. Mai aqueu es en chantier fins qu’en 2016.
 
Fisher èra richàs, qu’es lo fondador de la marca de vestits Gap, creada ais Estats Units en 1971. Lo pareu èra amator d’art de son temps, e an amolonat leis òbras d’artistas, en generau Americans, sensa èstre avisats per un consèu artistic.
 
« Simplament, volián crompar ce que li agradava, a la soleta condicien que tótei dos siguésson d’acòrd » nos ditz Caitlin Haskell, una dei conservatritz dau museu californian.

« Es l’art contemporaneu un pauc oficiau, sensa risc de pas agradar, que se fasiá ais USA ais annadas seissantas e septantas » jonha leis espatlas un critic provençau que demanda de pas èstre nomat.
 
Segur que siam en territòri coneissut, sus una tèrra artistica ben facturada. Mai es un bòn mejan per lo monde de s’interessar a l’art contemporan sensa n’ agantar l’idèa que seriá pas per élei. Una mòstra pedagogica, qué !
 
De vèire fins qu’au 18 octòbre, dau dimarts au dimenge de 10 a 19 oras. Pretz : 8 e 6€. Veire www.museegranet-aixenprovence.fr

Ecrit en provençal avec les suggestions lexicales de Reinat Toscano