La mitat presonièra

La statistique nous dit froidement la part émergée d'un quotidien d'entravées. La moitié féminine de la population n'est pas libre de ses mouvements.

Fa tot bèu just una setmana dimècres 17 d’abriu una joineta siguèt violada dins un trin regionau entre Ais e Marselha, dins un vagon onte li aviá d’autrei viatjaires. Sensa ren dire mai avans que l’enquista n’en digue mai, fau quand muma rementar que la tiera comença de pas s’acabar jamai.
 






            partager partager

A Orgon, lo Zinzan festivau fai participar totei a tota la cultura d’òc


ORGON. L’ultime festival de l’été en Provence est assuré par des bénévoles, choisit un milieu rural pour créer sur de la musique traditionnelle, et fait largement appel à la bonne humeur…et à la bonne chère. La sixième édition s’est terminée le 25 août.



Les Alpilles, un écrin pour la création et une volonté d'aller là où le public vient moins facilement. Bref un défi pour les bénévoles du Zinzan (photo XDR)
Les Alpilles, un écrin pour la création et une volonté d'aller là où le public vient moins facilement. Bref un défi pour les bénévoles du Zinzan (photo XDR)
Ais arenas d’Orgon, l’engenhaire dau sòn sauta de son pontin per rejónher lei cantaires dau Bal à la Voix, qu’alestisson lo balèti dau sera. Entre lei dos li a ges de fius, cables e autreis elements qu’encombran en generau lei luecs d’espectacles.
 
E a costat, una benevòla s’occupa d’organisar la tria dau vèire, dau papier et dau plastique.
 
« Per nosautres, lo luec dau festivau Zinzan es l’escrenh dei culturas populàrias qu’afavorisam, e volèm pas de tot’aquelei causas que podrián rompre lo liame. » Jeròni fai la relacien publica per aqueu festivau particulier : es l’ultime de l’estiu, e rèsta fòra dei centres urbans onte lo public es mai atrivat.
 
La velha au sera, au mitan deis arenas, mai de dos cents personas li an manjat un alhòli. Era pas una taulejada, mai un moment de creacion. « Chascun a trissat son alhet, puei a compausat son alhòli pròpri dau temps que jogavan lei percussions » ditz Yann, que baileja la cosina dau temps dau festivau. 

Fête, curiosité et expérimentation

Surprise, Titouan Billon a laissé ses percus à Du Bartàs, le temps du festival le voici aux cuisines. " La fèsta passa tanben per lo cèu de boca!" (photo MN)
Surprise, Titouan Billon a laissé ses percus à Du Bartàs, le temps du festival le voici aux cuisines. " La fèsta passa tanben per lo cèu de boca!" (photo MN)
« Era tribau ! » ajusta Gaelle, qu’assegura, ela, la comunicacion. « An fa intrar lo monde dins lo laboratòri de la creacion dei musicas populàrias » aponde Jeròni.  Sus lei taulas s’auçava una mena de diable cantant, dau temps que lei trombònes resclantián au bèu mitan deis entaulats.
 
Lo Zinzan Festivau, creat per l'associacion Tapenade, es una còla de benevòles qu’atriva l’idèa de « festejar, èstre curiós e experimentar », ditz Gaelle. Ansin deis atalhiers, onte chascun participa per, de cotria amé leis autreis estagiaris, crear un morsèu de musica amé seis arranjaments. Es de musica participativa, qué !
 
E lo public, aqueu que s’entòrna de vacanças mai que lei vòu pas encara acabar, vèn pas tant nombrós. Un milier quand meme, per tres vespradas de bèla convivéncia.
 
A la sala baissa, pròcha de la casèrna dei pompiers, fau vèire un autre aspèct dau Zinzan ; ritme de tamborins e languitòris dei vielas emplissan l’espaci ; mai que d’un laütier li a plantat cavilha per tres jorns. 

Une volonté de s'ancrer dans les Alpilles

Aquí tanben, es premier un escambi. Quau vòu s’entraucar dins l’univèrs dau sòn occitan pòu aquí dreiçar l’aurelha, mai tanben jogar emé lei mans, e perque non fabricar dins une estagi un instrument novèu.
 
Lo Zinzan festivau a crebat l’iòu fa sièis ans ai Bauç, creat per Henri Maquet et David Fauci, un etnomusicològue musician  e un creator de television que rèstan pròche d’Arle. Era a la Vau d’Infèrn, pròche de la Catedrala d’imatges, tant coneissuda dins lo monde entier. Ideau per lei concèrts. Mai la tresena annada foguèt plus possible.
 
« De que faire ? voliam pas per facilitat s’entòrnar ai vilas onte lo public sariá vengut nombrós ; voliam demorar ais Aupilhas » sotalinha Jeròni. « E voliam tanben trobar un luec que siegue bèu. La Comuna d’Orgon nos a dubèrt lei braç, e i aviá aquí leis endrechs que fan pantaiar, e leis associacions que volián trabalhar ‘mé nosautres, coma lo club taurin que nos prèsta leis arenas ».

L'occitan, un leit-motiv mais pas une pratique

A Orgon, lo Zinzan festivau fai participar totei a tota la cultura d’òc
Era pas la solucion la mai aisada, segur, d’autant mai quand l’incèndi s’es convidat a la fèsta. L’an passat lo festivau foguèt enviròutat per lo fuec. « S’es aprochat tot a costat, finalament avèm aculhit lo monde dau camping dins lei salas tant amenaçava » que precisa Titouan, dau grope Du Bartàs.
 
Vèn pas cantar an Orgon, mai donar la man ai cosinas. A nosat un faudau e acaba una « raita occitana ». Dins un pairòu Yann, eu, remena la sauça am’una culhierassa ; alòr lo fumet dei cebas e dau vin emplisson d’un còp la tenda onte trafegan quatre o cinc personas, totei venguts prepausar de portar pèira.
 
Dins aqueu festivau onte se parla pas pron occitan – « ailàs ! m’an tant dich, totei mei gents, qu’èra de patois… » que ditz Yann – la cultura d’òc se canta dins la lenga nòstra, mai pertòca tanben bocas, e cèus de bocas.
 
Mai, s’en 2013, li a ges de fuec, urosament, leis empachas mancan pas, quand meme. Leis ajudas de la Region e dau Despartament dei Bocas dau Ròse an demenit de 5%, coma per d’autreis iniciativas.

Mardi 27 Août 2013
Michel Neumuller




Nouveau commentaire :


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.

Recherche

Voici Aquò d'Aquí de mai
Dison que...

Lei recalius de Notre Dame coma nos questionan

Notre-Dame de Paris fait aussi partie du patrimoine occitan. Notre patrimoine immatériel fait-il partie de celui de la France, M. Macron ? Si oui, que ne décidez-vous de le revitaliser, avec la même autorité ?

L’incèndi qu’a devastat per partida la Catedrala Notre-Dame de Paris diluns 15 d’abriu vèrs lei sèt oras dau vèspre questiona tota la França sus la plaça restanta dau religiós dins la societat dau siècle XXI, sus lo suenh portat per leis autoritats au patrimòni materiau e sei trias de finançament, mai tanben sus lo biais de l’intelligentsia de considerar que tot ce que se debana a Paris merita la prioritat de la Nacien.
Lei recalius de Notre Dame coma nos questionan


Copyright

Les articles diffusés sur Aquo d'Aqui.info sont protégés par la législation sur les droits d'auteur et le copyright. Il est interdit de les diffuser hors le site d'Aquo d'Aqui, sauf autorisation expresse de son créateur.