L’Universitat Occitana de La Guépia es un luòc e un temps d’ensenhament,
d’animacion, d’estudi, mas es tanben, una ocasion mannada de rencontres
(e de convèrsas) improblables endacòm mai : los escolans dels corses pòdon
parlar amb d’occitanofònes « naturals » del vesinatge coma amb d’escrivans,
d’intellectuals e d’artistas de renom, los vièlhs savis parlar als joves lançats, la
cultura sabenta rencontra la cultura populara, los estrangièrs encontran los
del paìs sus de questions d’istòria e de patrimòni.
Tot aquò dins un ambient al còp estudiós e pausadís, amb los pès chimpats
dins l’aiga de Viaur e d’Avairon, amb la consciéncia d’aprestar, en primadìers,
l’avenidor del paìs.