partagerLo val Po, en Italia, comença au Plan dau Rei. Aqui naisse lo mai grand flume d’Italia. Sus 650 kms, portarè ses aigas montanholas fins a la Mar Adriatica. Siam sus la comuna de Crissol a 2040 m de nautura. Lo paisatgi es marcat per una piramida de pèira : lo Mont Visol, 3821 metres. Es un dei grands luecs de l’alpinisme per leis italians tan coma per les franceses.
Lo Val Po es una dei dotge valèias italianas de lenga d’oc. Entre montanhas e plana, es vengüa un endrech emblematic de la valorizacion de la lenga e de la cultura occitanas.
Son architecture ditz tota l’adaptacion perfiecha de l’ome a la montanha, a son mitau naturau e ses contrenchas, per viure coma per bastir.
En Ostana, vilatgi de pèiras e de lausas, es un prèmi literari e artistic que fai se rescontrar de représentants de totas lei lengas minorizaas. En 2023, Sarà Laurens l’i recebia un premi per son travau literari e l’encoratjar dins aquesta draia. Rescontrarem d’autreis escrivans, basco, italian, gaelic, … dins un ambient de convivéncia.
Lo reportatgi d’Eliana Tourtet, de 22 minutas, es estat entierament filmat en occitan per l’émission Vaqui de France 3 Provença-Aups.
Difusion : dimenche 6 d’octobre a 10 oras 20.
De retrobar la setmana que ven sus lo siti de l’emission.
Légendes provençales à frissonner sur France 3 et ses diverses plateformes